Medsaqtandyrý qory saqtandyrýdyń toqtatylǵany týraly aldyn ala eskertpek

<p>ASTANA. KAZINFORM &ndash; Áleýmettik medıtsınalyq saqtandyrý qory el azamattaryna saqtandyrýdyń toqtatylatyndyǵy jaıly aldyn ala eskertpek. Bul jaıynda Májilis janyndaǵy Qoǵamdyq palatanyń kóshpeli otyrysynda atalǵan qor tóraǵasynyń orynbasary Indıra Sarkenova aıtty.</p>

Onyń atap ótýinshe, qor Mindetti áleýmettik saqtandyrý qory qatysýshylary úshin habarlandyrý tetigin engizý máselesin pysyqtap jatyr.

- Taıaýda biz Eýrazııalyq bankpen push-habarlandyrý jiberý boıynsha birinshi kelisim jasastyq. Olardyń klıentteri alǵashqylardyń biri bolyp mundaı habarlama alady. Habarlama táýekeldi tómendetý úshin aldyn ala telefonǵa keledi. Júzege asyrý jáne júıemizben yqpaldastyrý 2025 jyldyń qańtarynan bastalady. Bul shara halyq aldyn ala saqtandyrylǵanyn ne saqtandyrylmaǵanyn bilýi, sonymen qatar saqtandyrý áreketiniń toqtatylý sebebin túsinýi úshin qabyldanyp otyr, - dedi qor tóraǵasynyń orynbasary.

Indıra Sarkenova atalǵan júıeni yqpaldastyrý ekinshi deńgeıli ózge de banktermen jalǵastyrylady.

Osyǵan deıin jazǵanymyzdaı, budan bylaı shetelge kóship ketken azamattarǵa MÁMS aıasynda dári-dármek rásimdeý múmkin emes.