Medsaqtandyrý qory Qarjy mınıstrliginiń baqylaýynda bolýy kerek — Baryshev

<p>ASTANA. KAZINFORM &mdash; Áleýmettik medıtsınalyq saqtandyrý qory Qarjy mınıstrligi men Parlament depýtattardyń baqylaýynda bolýy kerek. Bul týraly búgin Astana Open Dialogue saraptamalyq platformasynyń ekinshi otyrysynda Respýblıka partııasynyń teń tóraǵasy Maksım Baryshev aıtty.</p>

— Salyq jaıynda, Salyq kodeksi jaıynda aıtqanymyzben bizdegi bıýdjet shyǵyndarynda ashyqtyq joq. Máselen, Medıtsınalyq saqtandyrý qory (Áleýmettik medıtsınalyq saqtandyrý qory) bar. Qordyń búkil Qazaqstanǵa qajettiligi shamamen 3 trln teńgeni quraıdy. Málimet úshin, Qazaqstan Respýblıkasynyń ár azamatyna 1 jylǵa shamamen 150 myń teńgeden keledi. Sizderdiń aralaryńyzda aýrýhanaǵa tegin medıtsınalyq kómekke júginetin adamdardyń óte az ekendigine senimdimin. Biraq, sizderdiń árqaısyńyzǵa qomaqty qarajat bólingen, — dedi ol.

Osy oraıda Maksım Baryshev Áleýmettik medıtsınalyq saqtandyrý qorynyń ashyqtyǵyn qamtamasyz etý úshin ony Qarjy mınıstrliginiń jáne Parlament depýtattarynyń baqylaýynda bolýy kerektigin, aı saıyn bıýdjetine baılanysty esep berýdi mindetteý qajettigin aıtady. Sonda bıýdjet tapshylyǵyn jabýǵa qajetti qarajattyń azdaǵan bolsa da bóligin tabýǵa bolady.

— Medıtsınalyq saqtandyrý qory qosymsha trln teńge bólýdi suraǵan kezde sol qarajat depozıtte jatqan. Bul da qısynsyz dúnıe. Aqsha depozıtte jatqan kezde ekonomıkaǵa jumys istemeıdi, — dedi Respýblıka partııasynyń teń tóraǵasy.

Buǵan deıin Ulttyq ekonomıka vıtse-mınıstri Azamat Ámrın jańa Salyq kodeksiniń eskisinen qandaı ereksheligi bar ekenin aıtty.