Medıtsınalyq uıym basshylary menedjment sapasyn arttyrýǵa basa kóńil bólýi tıis

<p>Medıtsınalyq uıymdardyń birinshi basshylary menedjment sapasyn arttyrýǵa basa kóńil bólýi tıis. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy<a href="https://kaz.inform.kz/" target="_blank" rel="noopener"> QazAqparat </a>tilshisi.&nbsp;</p>

«Keıingi jyldary medıtsınalyq kómektiń qoljetimdiligi jaqsaryp keledi. Tegin dári-dármekpen qamtamasyz etiletin aýrýlardyń tizbesi edáýir keńeıdi. Ońaltý qyzmetteri de qoljetimdi bola tústi. Ambýlatorııalyq-emhanalyq kómekti qarjylandyrý kólemi ósip jatyr. Sonymen qatar jańadan densaýlyq saqtaý obektileri iske qosylyp jatyr. Bul, ásirese, bilikti medıtsınalyq kómekke muqtaj aýyl turǵyndary úshin asa ózekti. Degenmen problema báribir qalyp otyr. Máselen, halyq belgili bir sala mamanyna kezektiń úlkendigine, medıtsınalyq jabdyqtar sanynyń jetkiliksizdigine shaǵymdanady», - dedi Álıhan Smaıylov.

Úkimet basshysy túrli aýrýmen esepte turǵan turǵyndardy dári-dármekpen qamtamasyz etýde de másele bar ekenin atap ótti.

«Sondyqtan óńir ákimderi medıtsınalyq sanıtarııalyq-alǵashqy kómektiń qoljetimdiligi men sapasyn qamtamasyz etýge barynsha jaýapkershilikpen qaraýy tıis. Onyń ishinde «Aýyl densaýlyq saqtaý júıesin jańǵyrtý» ulttyq jobasyn júzege asyrýǵa da. Medıtsınalyq kómek adamdardyń turǵylyqty jerine barynsha jaqyn bolýy qajet», - dedi Premer-Mınıstr.

Sondaı-aq Álıhan Smaıylov medıtsınalyq uıymdardyń birinshi basshylary menedjment sapasyn arttyrýǵa basa kóńil bólýi tıis ekenine basa nazar aýdartty.

«Keıde basqarý men úılestirý jumystarynyń kemshiligine baılanysty adamdar qajetti emdi nemese dári-dármekti ýaqytynda ala almaı qalady. Sondyqtan Densaýlyq saqtaý mınıstrligi ákimdiktermen birlesip, osy máseleler boıynsha júıeli jumysty jalǵastyrýy qajet», - dedi Úkimet basshysy.