Medıtsınalyq qyzmet halyqqa qoljetimdi bolady

<p>ASTANA. KAZINFORM -&nbsp; Densaýlyq saqtaý mınıstrligi medıtsınalyq qyzmetterge tarıfterdi kezeń-kezeńimen kóterýge kirisedi. Basymdyq &ndash; balalar jáne bosandyrý. Bul týraly mınıstrliktiń baspasóz qyzmeti habarlady.</p>

Densaýlyq saqtaý mınıstrligi medıtsınalyq qyzmetterge qatysty tarıfterdi qaıta eseptedi. Negizgi maqsat – medıtsınalyq uıymdarǵa qarjylyq júktemeni azaıtý jáne barlyq azamat úshin joǵary sapaly medıtsınalyq kómektiń qoljetimdiligin qamtamasyz etý.

2024 jylǵy 1 maýsymnan bastap qabyldanǵan sheshimderge sáıkes júkti jáne bosanǵan áıelderge, sondaı-aq statsıonarlyq jaǵdaıda balalarǵa shuǵyl medıtsınalyq kómek kórsetetin uıymdar úshin tarıfter kóteriletin bolady.

«Tarıfterdiń kóterilýi azamattardyń medıtsınalyq kómek alýǵa arnalǵan qalta shyǵysyn azaıtýǵa, sondaı-aq medıtsınalyq uıymdarǵa sońǵy jyldary jınalǵan ınflıatsııalyq shyǵyndardy óteýge jáne densaýlyq saqtaý salasyndaǵy turaqtylyqty qamtamasyz etýge múmkindik beredi. Saqtandyrý aktıvteriniń esebinen qosymsha bólinetin qarajattyń jalpy somasy densaýlyq saqtaý júıesiniń tıimsiz shyǵystaryn ońtaılandyrý nátıjesinde bosatyldy jáne 20 mıllıard teńge boldy», - delingen habarlamada.

Abdomınaldyq hırýrgııa, ınfektsııa, nevrologııa, gastroenterologııa, kardıologııa, travmatologııa jáne ortopedııa, nefrologııa, endokrınologııa, onkogematologııa sııaqty birqatar basqa baǵyt boıynsha tarıfterdi kezeń-kezeńimen arttyrý josparlanyp otyr.

Bul memleket medıtsınalyq uıymdarǵa medıtsınalyq qyzmet kórsetýge baılanysty shyǵystardy kezeń-kezeńimen óteıtinin bildiredi.