Medıtsınalyq derekterdi toptastyrǵan biryńǵaı memlekettik aqparat júıesi iske qosylady

<p>ASTANA. KAZINFORM &mdash; Biryńǵaı bazalyq memlekettik medıtsınalyq kómek toptamasy jasalady. Bul týraly Úkimet otyrysynda Memleket basshysynyń Joldaýyn iske asyrý jónindegi jalpyulttyq is-sharalar josparynyń jobasyn tanystyrǵan Premer-Mınıstrdiń orynbasary &mdash; Ulttyq ekonomıka mınıstri Nurlan Baıbazarov aıtty.</p>

«Densaýlyq saqtaý salasynyń negizgi mindetteriniń biri — mindetti medıtsınalyq saqtandyrý esebinen biryńǵaı bazalyq memlekettik medıtsınalyq kómek toptamasyn qalyptastyrý. Medıtsınalyq derekterdi baqylaý jáne obektıvtiligi maqsatynda biryńǵaı memlekettik aqparattyq júıesin iske qosý josparlanýda. Budan basqa, buqaralyq jáne balalar sportyn damytý salasyndaǵy zańnama jańartylady», — dedi mınıstr.

Onyń atap ótýinshe, kelesi jyly Jumysshy mamandyqtar jylyn ótkizý boıynsha jekelegen is-sharalar kózdelgen ekologııa salasynda negizgi orman óńirlerinde «Semeı ormany» atty tabysty tájirıbeni aýqymdy qoldaný boıynsha jobalardy iske asyrý josparlanǵan. 

«El kásiporyndarynyń qorshaǵan ortaǵa emıssııasyn tómendetý maqsatynda 2027 jyldan bastap ozyq tehnologııalar negizinde keshendi ekologııalyq ruqsattar berý josparlanýda. „Taza Qazaqstan“ aktsııasy ákimderdiń, sondaı-aq bıznestiń qorshaǵan ortany qorǵaý boıynsha derbes jaýapkershiligi bekitile otyryp, jalǵasady», — dedi Nurlan Baıbazarov.