Medıtsınalyq saqtandyrý júıesi kimderdi qamtydy – Basqarma tóraǵasynyń jaýaby

NUR-SULTAN. QazAqparat – Ótken jyldyń qorytyndysy boıynsha halyqtyń 85% -y, ıaǵnı 15,9 mln adam medıtsınalyq saqtandyrý júıesimen qamtyldy. Bul týraly Ortalyq kommýnıkatsııalar qyzmetinde ótken brıfıngte Áleýmettik medıtsınalyq saqtandyrý qorynyń Basqarma tóraǵasy Bolat Tókejanov aıtty, dep habarlaıdy QazAqparat tilshisi.

«Karantındik sharalarǵa qaramastan, osy kezeńdegi bıznestiń tólem qabiletsizdigi birinshi jyl ishinde mindetti medıtsınalyq saqtandyrý júıesine qatysýshylar sanyn 1 mıllıon adamǵa kóbeıtti: 2020 jylǵy qańtarda 14,9 mıllıon adam bolsa, bıyl qańtarda 15,9 mıllıon adam boldy», - deıdi Áleýmettik medıtsınalyq saqtandyrý qorynyń Basqarma tóraǵasy.

Onyń aıtýynsha, MÁMS júıesinen 3 mln-nan astam qazaqstandyq tys qalǵan.

«Olar kez kelgen ýaqytta tegin medıtsınalyq kómektiń kepildik berilgen kólemi sheńberinde medıtsınalyq qyzmetterdi alýǵa quqyly. Qor ákimdiktermen jáne beıindi mınıstrliktermen birlesip, halyqty MÁMS-ke tartý jónindegi júıeli jumysty jalǵastyratyn bolady», - dep atap ótti Bolat Tókejanov.