Medıtsınalyq saqtandyrý taqyrybyna qatysty jýrnalıster arasynda baıqaý jarııalandy

ASTANA. QazAqparat - QR Densaýlyq saqtaý jáne áleýmettik damý mınıstrligi elimizde mindetti áleýmettik medıtsınalyq saqtandyrýdy engizý (ári qaraı - MÁMS), «Jumyspen qamtý 2020 jol kartasy» baǵdarlamasyn júzege asyrý jáne áleýmettik qamsyzdandyrý júıesin jetildirý máseleleri boıynsha jýrnalıster arasynda úzdik jarııalanymdar boıynsha respýblıkalyq baıqaý ótkizedi.

Mınıstrliktiń baspasóz qyzmetiniń habarlaýynsha, baıqaýdyń negizgi maqsaty - «JQJK 2020» baǵdarlamasynyń baǵyttaryn júzege asyrý týraly jergilikti halyqty keńinen habardar etý, azamattardy halyqty jumyspen qamtý belsendi sharalaryna qatystyrý, MÁMS-ti engizý men QR-daǵy áleýmettik qamsyzdandyrý júıesin jetildirýdiń negizgi artyqshylyqtary, sonymen qatar, atalǵan jańalyqtarǵa qoǵamnyń oń kózqarasyn qalyptastyrý.

Baıqaýǵa merzimdi basylymdarda nemese ınternet resýrstarynda, telearna jáne radıoda aǵymdaǵy jyldyń qyrkúıek-qarasha aılarynda jaryq kórgen BAQ materıaldary qatysa alady.

Baıqaýǵa usynylatyn jumystar 1 qyrkúıekten 30 qarashaǵa deıin qabyldanady.

Baıqaý jeńimpazdary 3 nomınatsııa boıynsha anyqtalady: «QR-daǵy MÁMS-ti engizý boıynsha úzdik jarııalanym», «JQJK 2020» baǵdarlamasyn júzege asyrý boıynsha úzdik jarııalanym», «QR-daǵy áleýmettik qamsyzdandyrý júıesin jańǵyrtý boıynsha úzdik jarııalanym».

Baıqaý qorytyndysy 2016 jylǵy 15 jeltoqsanǵa deıin anyqtalady. Jeńimpazdarǵa aqshalaı syıaqy tabystalady.