Medıtsınalyq saqtandyrý: Patsıent quqyǵyn qalaı qorǵaıdy

ASTANA. QazAqparat – Kóptegen qazaqstandyqtar medıtsınalyq saqtandyrý salasyndaǵy konsýltatsııalyq-dıagnostıkalyq qyzmetterdiń qoljetimsizdigine (jabdyqtyń bolmaýy, kútý uzaqtyǵy, joldama bermeý, kadrlar tapshylyǵy), medıtsınalyq kómek kórsetý sapasyna, uzaq kútýge kóbirek shaǵymdanady, dep habarlaıdy QazAqparat Áleýmettik medıtsınalyq saqtandyrý qoryna silteme jasap.

Eger patsıentter kórsetilgen medıtsınalyq qyzmetterdiń sapasyna qanaǵattanbasa, medıtsınalyq qyzmetker tarapynan dórekilikke, tegin medıtsınalyq kómektiń kepildik berilgen kólemi sheńberinde jáne mindetti áleýmettik medıtsınalyq saqtandyrý júıesinde usynylatyn medıtsınalyq qyzmetter úshin aqshalaı qarajatty talap etý faktilerine nemese basqa da problemalyq máselelerge tap bolsa, patsıent óz quqyǵyn qalaı qorǵaıdy?

Eger siz:

-kórsetilgen medıtsınalyq qyzmetterdiń sapasyna qanaǵattanbasańyz

- medıtsınalyq qyzmetker tarapynan dórekilikke

-tegin medıtsınalyq kómektiń kepildik berilgen kólemi sheńberinde jáne mindetti áleýmettik medıtsınalyq saqtandyrý júıesinde usynylatyn medıtsınalyq qyzmetter úshin aqshalaı qarajatty talap etý faktilerine nemese basqa da problemalyq máselelerge tap bolsańyz,

Patsıentterge qoldaý kórsetý jáne ishki aýdıt qyzmetine kómek surańyz. mundaı qyzmet árbir medıtsınalyq uıymda jumys isteıdi. Keri baılanys úshin baılanys derekterin kórsete otyryp, jazbasha ótinish jazý jetkilikti. Tolyǵyraq aqparatty emhananyń nemese aýrýhananyń qabyldaý bóliminen bilýge bolady.

Aımaqtyń densaýlyq saqtaý basqarmasynyń baılanys ortalyǵyna júginýge bolady. Barlyq medıtsınalyq uıymdar densaýlyq saqtaý basqarmalaryna baǵynatyndyqtan, olardyń ókilderi Sizdiń máseleńizdi sheshýge áser ete alady.

Qoldau 24/7 qosymshasynda ótinim qaldyrýǵa bolady. Sizdiń ótinishińiz Qoldau 24/7 arnasyna túskennen keıin Áleýmettik medıtsınalyq saqtandyrý qorynyń mamandary medıtsınalyq uıymmen habarlasady jáne qyzmet kórsetý sapasyn tekseredi. Eger siz qandaı da bir sebeppen ony almaǵan bolsańyz, onda olar bas tartý sebebin anyqtaıdy. Barlyq ótinishterge tizilimde tirkeý nómiri beriledi, engiziledi, sonyń arqasynda ótinishtiń mártebesin qadaǵalaýǵa bolady.

@SaqtandyryBot Telegram-botynda ótinim qaldyryńyz. ol úshin negizgi mázirde «1406-ǵa habarlama jiberý» pármenin tańdaý kerek. Ótinimde máseleniń máni, sondaı-aq aımaqtyń jáne medıtsınalyq uıymnyń ataýy bolýy kerek.

Qordyń táýlik boıy jumys isteıtin 1406 biryńǵaı baılanys ortalyǵyna júginý qajet. Qazaqstannyń barlyq aýmaǵynda uıaly jáne qalalyq telefondardan qońyraý shalý tegin.

«Suraq qoıý / shaǵymdaný» bóliminde ótinish qaldyrýǵa bolady.