Medıtsınalyq saqtandyrý qorynyń qyzmetkerleri qansha aılyq alady

ASTANA. QazAqparat – «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń basqarma tóraǵasy Sábıt Ahmetov qor qyzmetkerleriniń ortasha aılyǵy qansha ekenin aıtty, dep habarlaıdy QazAqparat tilshisi.

«2022 jyldyń qorytyndysy boıynsha qor qyzmetkerlerin ustaýǵa 9 mlrd teńgeden astam qarjy ketti. Bul - shamamen 1 myń adamǵa degen sóz. Ortalyq apparatty qosqanda, aýmaqtyq bólimshelerdi, eseptegende osyndaı. Sondaı-aq, búkil oblystardaǵy fılıaldarda 700-deı adam jumys isteıdi. Ortasha aılyq 450 myń teńgeniń shamasynda», - dedi Sábıt Ahmetov jýrnalısterdiń suraǵyna bergen jaýabynda.

Onyń paıymynsha, qor mamandarynyń jumysy ońaı emes ekenin eskergende bul sonshalyq kóp shyǵyn da emes.

«Sizderge birden aıtaıyn. Bul sonshalyq úlken soma emes. Óıtkeni jyl saıynǵy mamandardyń turaqsyzdyǵy 22% bolady. Bul shamamen jyl saıyn árbir besinshi adam júktemeniń aýyr bolýyna baılanysty jumysten ketedi degen sóz. Jumys kóp bolǵandyqtan shydamaı ketip jatady», - deıdi qordyń basqarma tóraǵasy.

Sondaı-aq, ol ózi ataǵan qarajattyń 80 paıyzdaıy eńbekaqy qoryna jumsalsa, qalǵany ózge de shyǵyndarǵa ketetinin aıtty.