Medıtsınalyq saqtandyrý qorynyń barlyq bólimshesine keshendi aýdıt júrgiziledi

ASTANA. QazAqparat – Áleýmettik-medıtsınalyq saqtandyrý qorynyń barlyq bólimshesine keshendi aýdıt júrgiziledi. Bul týraly Májilistiń jalpy otyrysynda Joǵary aýdıtorlyq palatanyń tóraǵasy Natalıa Godýnova aıtty, dep habarlaıdy QazAqparat tilshisi.

«Konstıtýtsııalyq reformany iske asyrý aıasynda búgin qaralyp otyrǵan Joǵary aýdıtorlyq palatanyń esebimen qatar Májiliske jylýmen jabdyqtaý salasyndaǵy basqarý tıimdiligine júrgizilgen aýdıt qorytyndysy boıynsha esep engizildi. Anyqtalǵan faktiler men ázirlengen usynymdar osy salada júrgizilip jatqan jumysty jetildirýge múmkindik beredi dep úmittenemiz. Sondaı-aq, Joǵary aýdıtorlyq palata osy jyldyń sońynda Memleket basshysynyń tapsyrmasy boıynsha Áleýmettik-medıtsınalyq saqtandyrý qorynyń búkil 20 óńirlik bólimshesine keshendi aýdıt júrgizýge kirisetinin aıta keteıin», - dedi Natalıa Godýnova.