Medıtsınalyq saqtandyrý qoryna túsken jarna 140 mlrd teńgeden asty

ASTANA. QazAqparat - 2019 jyldyń alǵashqy aıynda Medıtsınalyq saqtandyrý qoryna 7,6 mlrd teńge kóleminde jarna tústi. Bul týraly QazAqparat qordyń baspasóz qyzmetine silteme jasap habarlaıdy.

«Júıe iske qosylǵan 2017 jyldyń 1 shildesinen 2019 jyldyń 31 qańtaryna deıingi aralyqta jınaqtalǵan jarnanyń jalpy somasy 140,52 mlrd teńgeni qurady. Onyń 131,86 mlrd teńgesi (shamamen 93,8%) - jumys berýshilerdiń aýdarymdary bolsa, qalǵan 8,66 mlrd teńge (6,2% jýyǵy) - jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tıesili», delingen baspasóz baıanynda.

Keltirilgen derekterge qaraǵanda, aımaqtyq turǵydan alǵanda, jarna tóleý boıynsha Almaty, Astana qalalary men Qaraǵandy oblysy kósh bastap tur.

Jınaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen.