Medıtsınalyq saqtandyrý qoryna almatylyqtardan 1,3 myń shaǵym tústi

ALMATY. QazAqparat - 2021 jyldyń birinshi jartysynda Medıtsınalyq saqtandyrý qoryna almatylyqtardan 1396 shaǵym tústi. Bul týraly Qordyń Almaty qalalyq fılıalynyń dırektory Tileýhan Ábildaev málim etti, dep habarlaıdy QazAqparat tilshisi.

Onyń aıtýynsha, túsken ótinishtiń basym bóligi medıtsınalyq saqtandyrý jarnasyn tóleý, MÁMS júıesine qatysý, jeńildigi bar sanatqa qosylý men saqtandyrý statýsyn anyqtaý máselesine qatysty.

Konsýltatsııalyq sıpattaǵy saýaldardyń deni Nur-Sultan (100 myń adamǵa shaqqanda 727,5), Almaty (100 myń adamǵa 375,1), Shymkent (100 myń adamǵa 162,1) qalalaryna tıesili.

«Jalpy, 2021 jyldyń birinshi jartysynda halyq tarapynan 6552 shaǵym túsken. Onyń 1 396-sy Almaty turǵyndarynyń enshisinde. Almatylyqtar kóbine dıagnostıkalyq qyzmetti kórsetýden bas tartý (28%), kórsetilmegen qyzmetti aqparattyq júıege «kórsetildi» dep tirkeý (10,5%), medıtsınalyq kómekti uzaq kútý (7%), tıisti dári-dármekterdi bermeý (6,6%) syndy faktilerge shaǵymdanǵan», - dedi fılıal basshysy.

Sońǵy kezde koronavırýs ınfektsııasynyń kúsheıýine baılanysty medıtsınalyq mekemelerde josparly kómektiń qoljetimdiligi men sapasyna qatysty shaǵymdar kóbeıgenin atap ótý qajet. Eger qorǵa birinshi toqsanda osy máselege qatysty 2599 shaǵym túsken bolsa, 2-shi toqsanda sarapshylar 4056 shaǵymdy qarastyrǵan.

Aıta keteıik, Qoldau 24/7 mobıldi qosymshasy, 1406 biryńǵaı baılanys nómiri nemese fms.kz resmı saıty arqyly táýlik boıy medıtsınalyq saqtandyrý jáne patsıent quqyǵy boıynsha saýal qabyldanady.