Medıtsınalyq saqtandyrý qory 300 myń PTR-testileýge 3,4 mlrd teńge bóldi
PTsR-testileý halyqqa qoljetimdi bolýy úshin qor zerthanasy bar 502 mekememen kelisim jasaldy.
Elimizde medıtsınalyq alǵashqy kómek uıymdary janyndaǵy 2 myńnan astam mobıldi brıgada polımerazdy tizbekti reaktsııa (PTR) ádisimen testileý júrgizý úshin SOVID-19 kúdikti patsıentten bıologııalyq materıal alady.
Mamandardyń pikirinshe, bul halyqqa qyzmet kórsetý máselesin ýaqytyly sheshýge jáne onyń qoljetimdiligin arttyrýǵa múmkindik beredi.
QR Densaýlyq saqtaý mınıstrliginiń málimetinshe, zerthanalar sany 59-ge deıin artty. Nátıjesinde qazir zerthanalar táýligine 32 myń test jasaı alady, onyń ishinde sanıtarlyq-epıdemıologııalyq qyzmet jelisi - 23 zerthanaǵa, jeke medıtsınalyq zerthanalar - 20 jáne medıtsınalyq uıymdardaǵy zerthanalar - 16-ǵa jetti.
Medıtsınalyq saqtandyrý qory halyqtyń qaı toptarynda TMKKK jáne MÁMS qarajaty esebinen PTsR-testileýden tegin ótýge múmkindigi bar ekenin eske salady.
«Birinshi kezekte - ınfektsııalyq statsıonarlarda jatqan patsıentter. Dıagnozdy rastap, emdeý algorıtmin qoldaný úshin olar shuǵyl túrde tekserilýi kerek. Kelesi sanat - provızorlyq statsıon ardaǵy COVID-ke kúdikti patsıentter. Olarda belgili bir sımptomdar bolady jáne dıagnoz qoıý kerek. Sodan keıin JRVI jáne pnevmonııa sımptomdary bar azamattar emdeýshi ýchaskelik dárigerdiń joldamasymen. Atalǵan topty testileý úshin qor emhanalarmen, otbasylyq ambýlatorııalarmen, al olar óz kezeginde zerthanalarmen shart jasasty. Sondaı-aq, testileý karantın ızolıatoryna jatqyzylǵan vırýstyń sımptomsyz tasymaldaýshylarǵa da jasalady» delingen qor habarlamasynda.
Budan basqa, josparly emdeýge jatqyzý kezinde patsıentter de PTR-test tapsyrady, buǵan júkti áıelder, shuǵyl emge jatqyzylatyn patsıentter jatady.
Qor jetkizýshilerdiń aldynda kórsetilgen qyzmetterge aqy tóleý boıynsha óziniń barlyq mindettemelerin oryndady. Qyzmetterdi tóleý medıtsınalyq aqparattyq júıelerdiń kómegimen Densaýlyq saqtaý mınıstrligi bekitken tarıf boıynsha júrgiziledi.