Medıtsınalyq saqtandyrý: Elordalyqtar qarasha aıynda 2,4 mlrd teńge jarna aýdarǵan

NUR-SULTAN. QazAqparat - Elordalyqtar 2020 jyldyń 1 qańtary men 30 qarashasy aralyǵynda medıtsınalyq saqtandyrý jarnasy úshin 24,3 mlrd teńge aýdarǵan, dep habarlaıdy QazAqparat atalǵan qordyń baspasóz qyzmetine silteme jasap.

Osy jyldyń qarasha aıynda 2,4 mlrd teńge tústi. Olardyń qomaqty bóligi – 1,5 mlrd teńge jumys berýshilerdiń aýdarymdary, al 916 mln teńgeden astamy – jeke kásipkerlerden túsken jarnalar», - dep habarlaıdy «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmeti.

Sondaı-aq, 2020 jylǵy 30 qarashadaǵy jaǵdaı boıynsha, MÁMS úshin biryńǵaı jıyntyq tólem (BJT) negizinde túsken jarna 6,5 mln teńgeni quraıdy. Biryńǵaı jıyntyq tólem jasaý – áleýmettik jáne medıtsınalyq saqtandyrý júıesine qatysýǵa quqyq beredi.

Elordalyq jumys berýshiler men jeke kásipkerlerdiń 2017 jyldyń 1 shildesi men 2020 jyldyń 30 qarashasy aralyǵynda mindetti áleýmettik medıtsınalyq saqtandyrý úshin aýdarǵan jarnalarynyń jalpy somasy 54,7 mlrd teńgeni quraıdy.

Medıtsınalyq saqtandyrý qory patsıentter quqyǵyn qorǵaıdy. Sondyqtan azamattardy mobıldi qosymshalarda óz derekterin tekserýge jáne sáıkessizdikter anyqtalǵan jaǵdaıda Qordyń elordalyq fılıalyna habarlaýǵa shaqyramyz. Sondaı-aq, 1406 telefonyna nemese Qoldau 24/7 mobıldi qosymshasy arqyly baılanysýǵa bolady.

Áleýmettik medıtsınalyq saqtandyrý qorynyń Qoldau-24/7 mobıldi qosymshasy Android smartfondary úshin Play Market arqyly, Apple smartfondary úshin App Store arqyly júkteledi.

Azamattardan kelip túsken barlyq ótinishter óńdelip, tirkeý nómirimen ótinishter tizilimine túsedi. Turǵyndar tarapynan túsken ótinishterge monıtorıng júrgiziledi, qajet bolǵan jaǵdaıda belgilengen merzimde sheshim qabyldaý úshin saraptamalyq baǵalaýǵa jiberiledi.