Medıtsınalyq saqtandyrý: Astanalyqtar nege kóp shaǵymdanady

ASTANA. QazAqparat - Ótken jyly «Áleýmettik medıtsınalyq saqtandyrý qoryna» ótken jyly elordalyqtardan 4348 shaǵym túsken. Bul týraly QazAqparat Qorǵa silteme jasap habarlaıdy.

«Kóbinese azamattar medıtsınalyq qyzmetterdiń qoljetimsizdigine shaǵymdanady: salalyq beıindi mamandar, dıagnostıkalyq qyzmetter, ýchaskelik qyzmettiń (jalpy tájirıbelik dáriger, terapevt-dáriger, pedıatr qabyldaýyn uzaq kútý, jedel járdem brıgadasyn uzaq kútý (31,8%). Ekinshi orynda – medıtsınalyq kómek sapasynyń tómendigi (30,4%). Sondaı-aq medıtsınalyq kómek kórsetýden bas tartý (5,3%), medıtsınalyq kómekti uıymdastyrý (4,9%), dári-dármekpen qamtamasyz etýden bas tartý (4,3%), medıtsınalyq ádep/etıka men deontologııanyń buzylýy (4,3%), kórsetilmegen qyzmetter boıynsha jalǵan jazbalar – medıtsınalyq uıymnyń aqparattyq júıelerindegi senimsiz aqparat (3%) jáne t.b. Shaǵymdar negizinde ótken jyly 200-den asa jospardan tys monıtorıng júrgizildi. Júrgizilgen jospardan tys monıtorıng nátıjeleri boıynsha 155 kemshilik anyqtaldy», - dep atap ótti ÁMSQ elorda fılıalynyń dırektory N.Qabdyqaparov.