Medıtsınalyq saqtandyrý: 2020 jyly elordalyqtar 27,7 mlrd teńge jarna aýdardy
Nur-Sultan qalasy boıynsha 2017 jyldyń 1 shildesi men 2020 jyldyń 31 jeltoqsany aralyǵynda medıtsınalyq saqtandyrý úshin jınaqtalǵan jarnanyń jalpy somasy 58 mlrd teńgeden asady.
«2020 jyly qańtar-jeltoqsan aralyǵynda medıtsınalyq saqtandyrý úshin elordalyqtar 27,7 mlrd teńgeden asa jarna aýdarǵan (onyń ishinde jeltoqsan aıynda – 3,3 mlrd teńge). Medıtsınalyq saqtandyrý qoryna jarna aýdarýda Nur-Sultan qalasy kóshbasynda deýge bolady.
Áleýmettik medıtsınalyq saqtandyrý qoryna túken barlyq mindetti áleýmettik medıtsınalyq saqtandyrý jarnalary, ıaǵnı jınaqtalǵan qarjy, Ulttyq bankpen arada jasalǵan senimgerlik basqarý týraly kelisimshartqa sáıkes, Ulttyq bankte saqtalady da, Mindetti áleýmettik medıtsınalyq saqtandyrý paketi sheńberindegi qyzmetter aqysyn tóleýge jumsalady.», - deıdi «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
Medıtsınalyq saqtandyrý qory patsıentter quqyǵyn qorǵaıdy. Sondyqtan azamattardy mobıldi qosymshalarda óz derekterin tekserýge jáne sáıkessizdikter anyqtalǵan jaǵdaıda Qordyń elordalyq fılıalyna habarlaýǵa shaqyramyz. Sondaı-aq, 1406 telefonyna nemese Qoldau 24/7 mobıldi qosymshasy arqyly baılanysýǵa bolady.
Áleýmettik medıtsınalyq saqtandyrý qorynyń Qoldau-24/7 mobıldi qosymshasy Android smartfondary úshin Play Market arqyly, Apple smartfondary úshin App Store arqyly júkteledi.
Azamattardan kelip túsken barlyq ótinishter óńdelip, tirkeý nómirimen ótinishter tizilimine túsedi. Turǵyndar tarapynan túsken ótinishterge monıtorıng júrgiziledi, qajet bolǵan jaǵdaıda belgilengen merzimde sheshim qabyldaý úshin saraptamalyq baǵalaýǵa jiberiledi.