Medıtsınalyq poıyz Aqmola oblysynyń Makınka stantsııasyna keldi
«Salamatty Qazaqstan» medıtsınalyq poıyzy áleýmettik jobasy QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń jáne Densaýlyq saqtaý mınıstrliginiń qatysýymen, «Áleýmettik jobalar qory» korporatıvtik qorymen yntymaqtastyqta, «Samruk-Kazyna» AQ kompanııalar toby atynan «Samruk-Kazyna Trust» áleýmettik jobany damytý qory júzege asyryp jatyr.
Búgin tańerteń poıyz Makınka stantsııasyna aıaldady. Aýdan turǵyndaryna poıyzdyń kelýi týraly aldyn ala habarlandy. Sondyqtan bilikti dárigerlerge kórinýge kelgen halyqtyń qarasy kóp boldy. Olardy joba ákimshisi Janara Úsipbekova, aýdan ákimi Talǵat Erseıitov, oblystyq Densaýlyq saqtaý basqarmasy basshysynyń medıtsınalyq kómekti uıymdastyrý jónindegi orynbasary Toqtar Qońyrbaev qarsy aldy.
QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýynyń arqasynda bıyl alǵash ret memlekettik áleýmettik qoldaý alý, zeınetaqy, járdemaqy, áleýmettik tólemder men ataýly áleýmettik kómek alý boıynsha azamattardyń quqyǵyn qorǵaý máselelerine qatysty tegin konsýltatsııalar ótkizilip jatyr. Sonymen qatar shalǵaı aımaqtardyń turǵyndary tegin medıatıvti jáne zańgerlik kómek ala alady.
Medıtsınalyq poıyzdyń baǵyty medıtsınalyq kabınetteri joq aımaqtardy qamtıdy. ıAǵnı, bıyl shalǵaıdaǵy stantsııalardyń turǵyndary terapevt, stomatolog, oftalmolog, lor, hırýrg, ýrolog, mammolog, pedıatr tárizdi mamandarǵa tegin qaralyp, em ala alady. Poıyz zamanaýı dıagnostıkalyq jáne emdik jabdyqtarmen, ýltradybystyq jáne flıýorografııalyq apparattarmen, shaǵyn operatsııalyq bólmemen, zerthanamen, symsyz ınternetke qol jetkizýge arnalǵan baılanys quraldarymen jabdyqtalǵan.
Poıyz patsıentterdi 26 jáne 27 maýsym aralyǵynda qabyldaıdy. Aýyldyq okrýgterden de kóptegen adamdar qamtylady dep kútilýde.