Medıtsınalyq maskalardyń tıimdiligin ǵalymdar dáleldedi - Janna Pirálıeva
«Zertteýler medıtsınalyq maskalardyń tıimdiligin dáleldedi. Betperde taǵý koronavırýstyq ınfektsııanyń taralýyn azaıtýǵa kómektesedi. Tıisti zertteýdi Gonkong ýnıversıteti men AQSh-taǵy Merılend ýnıversıtetiniń ǵalymdar toby Dúnıejúzilik densaýlyq saqtaý uıymy sarapshylarynyń qatysýymen júrgizdi. Zertteý nátıjeleri ǵylymı basylymdarda jarııalandy», - dep túsindirdi qalalyq bas sanıtar dáriger.
Onyń aıtýynsha, amerıkalyq ǵalymdar koronavırýstyń jyldam taralatynyn anyqtady. Prınston ýnıversıtetiniń mamandary COVID-19 indeti taralýynyń matematıkalyq modelin oılap tapty. Onyń kómegimen pandemııa adamdar kóp jınalatyn jerlerge baratyn ınfektsııa tasymaldaýshylar áserinen indet tez taralatyny aıqyndaldy.
«Infektsııanyń aldyn alý úshin bárine joǵary qorǵanys betperdelerin paıdalaný qajet emes. Mysaly, juqpaly aýrýlar dárigerlerine tolyq oqshaýlaǵysh respıratorlar qajet, al jumysy medıtsınamen baılanysty emes adamdar úshin dárihanalarda satylatyn qarapaıym maskalar jaraıdy. Úıde mundaı qorǵanys qajet emes, biraq qoǵamdyq oryndarǵa barǵan kezde mindetti bolyp tur. Kádimgi medıtsınalyq maskany ár 2-3 saǵat saıyn aýystyrý kerek ekenin este ustaǵan jón», - dedi maman.
Osy oraıda ol karantındik sharalardy oryndaýǵa úndeý jasady.
«Qazirgi kezde álemde jáne elimizdiń keıbir óńirlerinde koronavırýstyq ınfektsııa boıynsha epıdemıologııalyq jaǵdaı kúrt nasharlady. Osyǵan baılanysty karantın sharalary kúsheıtilip, kıno jáne sport zaldary, teatrlar qaıtadan jabyldy, qoǵamdyq tamaqtaný nysandarynyń jumys rejımi qysqartyldy. Osy oraıda biz qaladaǵy turaqty epıdemıologııalyq jaǵdaıdy barsha kúshimizben saqtap qalýǵa tyrysýdamyz. Sondyqtan qala turǵyndary men qonaqtaryn osy kúrdeli kezeńdi eńserýge kómektesýdi suraımyn», - dedi Janna Pirálıeva.
Budan buryn habarlanǵandaı, Janna Pirálıeva qaladaǵy epıdemıologııalyq ahýal jaıynda baıandady.
Polıtsııa departamentiniń málimetinshe, elorda meıramhanalarynda otbasylyq is-sharalar ótkizý toqtamaı tur. https://kaz.inform.kz/news/elorda-meyramhanalary-shekteu-sharalaryn-elemey-zhatyr-policiya-departamenti_a3715024