Medıtsınalyq qarsy kórsetilimderi joq astanalyqtarǵa tolyq ımmýnızatsııadan ótý usynyldy
16:05, 10 Aqpan 2022
NUR-SULTAN. QazAqparat – Nur-Sultan qalasynyń bas sanıtar dárigeri Sarhat Beısenova medıtsınalyq qarsy kórsetilimderi joq adamdarǵa koronavırýsqa qarsy tolyq egilýdi usyndy, dep habarlaıdy QazAqparat tilshisi.
«Men medıtsınalyq qarsy kórsetilimderi joq adamdarǵa tolyq ımmýnızatsııadan ótýdi usynamyn. Vaktsına ózińizdi qorǵaǵannan bólek, vırýstyń odan ári taralýyn toqtatý jáne barlyq shekteýlerdi birjola joıý úshin ujymdyq ımmýnıtetti damytýǵa múmkindik beredi», - dedi Sarhat Beısenova elorda ákimdiginde uıymdastyrylǵan brıfıng barysynda.
Onyń atap ótýinshe, tek ujymdyq ımmýnıtetke qol jetkizý arqyly barlyq shekteýler tolyǵymen alynyp tastalǵan Eýropanyń keıbir elderi osyǵan mysal bola alady.
«Osy elderdiń tájirıbesine qarap, biz COVID-19-ben kúresýdiń jáne qalypty ómirge oralýdyń eń tıimdi ádisi vaktsınatsııa jáne revaktsınatsııa ekenin kóremiz», - dedi bas sanıtarlyq dáriger.