Medıtsınalyq bilim berý uıymdarynyń klınıkalyq bazalary týraly ereje bekitildi - mınıstrdiń buıryǵy

ASTANA. 24 qarasha. QazAqparat - Qazaqstan Respýblıkasy Densaýlyq saqtaý mınıstriniń buıryǵymen Medıtsınalyq bilim berý uıymdarynyń klınıkalyq bazalary týraly ereje bekitildi.

QazAqparat qujattyń mátinin taratady.

Qazaqstan Respýblıkasy Densaýlyq saqtaý mınıstrliginiń buıryǵy № 628

2012 jylǵy 11 qyrkúıek,   Astana qalasy

Medıtsınalyq bilim berý uıymdarynyń klınıkalyq bazalary týraly erejeni bekitý týraly

«Bilim týraly» Qazaqstan Respýblıkasynyń 2007 jylǵy 27 shildedegi Zańynyń 40-babynyń 5-tarmaǵyna, «Halyq densaýlyǵy jáne densaýlyq saqtaý júıesi týraly» Qazaqstan Respýblı­kasynyń 2009 jylǵy 18 qyrkúıektegi kodeksiniń 175-babynyń 3-tarmaǵyna sáıkes buıyramyn:
1.Qosa berilip otyrǵan Joǵary medıtsınalyq bilim berý uıymdarynyń klınıkalyq bazalary týraly ereje (budan ári - Ereje) bekitilsin.
2. Medıtsınalyq bilim berý uıymdarynyń basshylary, oblystardyń, Astana, Almaty qalalarynyń densaýlyq saqtaý basqarmalarynyń basshylary (kelisim boıynsha) qosa berilip otyrǵan Erejege sáıkes klınıkalyq bazalardy uıymdastyrý boıynsha jumysty júzege asyrsyn.
3. Qazaqstan Respýblıkasy Densaýlyq saqtaý mınıstrliginiń Ǵylym jáne adamı resýrstar departamenti (M.Q. Teleýov) osy buıryqty Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkeýdi qamtamasyz etsin.
4. Qazaqstan Respýblıkasy Densaýlyq saqtaý mınıstrliginiń Zań qyzmeti departamenti (J.J. Danaeva) osy buıryq memlekettik tirkeýden ótkennen keıin buqaralyq aqparat quraldarynda resmı jarııalanýyn qamtamasyz etsin.
5. Qazaqstan Respýblıkasy Densaýlyq saqtaý mınıstrliginiń strategııalyq damý departamenti (B.T.Tókejanov) osy buıryqty ınternet-resýrstarda ornalastyrýdy qamtamasyz etsin.
6. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý vıtse-mınıstri E.Á. Baıjúnisovke júktelsin.
7. Osy buıryq alǵashqy resmı jarııalaǵan kúninen bastap qoldanysqa engiziledi.

Mınıstrdiń mindetin atqarýshy S. MÝSINOV.

Qazaqstan Respýblıkasy Densaýlyq saqtaý mınıstriniń  mindetin atqarýshynyń
2012 jylǵy 11 qyrkúıektegi  № 628 buıryǵymen  bekitilgen

Medıtsınalyq bilim berý uıymdarynyń klınıkalyq bazalary týraly ereje baspasózde jarııalandy.