Medıtsına salasynda jańa áleýmettik standarttar engiziledi
«Bizdiń aldymyzdaǵy basty mindetterdiń biri - medıtsınalyq-sanıtarlyq kómektiń qoljetimdi bolýy jáne onyń sapasyn jaqsartý. Bul halyqtyń densaýlyǵyn jaqsartyp, ómir súrý uzaqtyǵy men sapasyn arttyrady. Osy rette saladaǵy negizgi másele - alǵashqy kómek kórsetetin dárigerlerdiń júktemesiniń óte úlken bolýy jáne mamandardyń jetispeýi», - dedi Úkimet basshysy.
Onyń atap ótýinshe, qazir «Aýyl - el besigi» jobasy aıasynda jańa áleýmettik standarttar engizilip, aýyldyq jerlerde densaýlyq saqtaý uıymdaryn qurý isi boıynsha óńirlik standarttar júıesi ázirlenip jatyr. Osy mindetti iske asyrý maqsatynda Densaýlyq saqtaý mınıstrligi jáne ákimdikter jumystardy birlesip uıymdastyrýy qajet.
«Jańa alǵashqy medıtsınalyq-sanıtarlyq kómek nysandaryn ashý arqyly dárigerlerdiń júktemesin azaıtýdy qamtamasyz etý kerek. Sonymen qatar, bul nysandardy qajetti quraldarmen qamtamasyz etý qajet. Mysal retinde Eljan Amantaıuly (Densaýlyq saqtaý mınıstri Birtanov-avt.) baıandamasynda Qaraǵandy oblysynda Kóktas aýyly jáne Jambyl oblysyndaǵy bir aýylda tıimdi iske asyrylǵan jobalardy atap ótti. Endi oń tájirıbeni basqa da oblystarda qoldaný kerek», - dedi A.Mamın.