Medıtsına qyzmetkerleriniń kásibı jaýapkershiligi saqtandyrylmaq

ASTANA. QazAqparat – Endi medıtsına qyzmetkerleriniń kásibı jaýapkershiligi saqtandyrylýy múmkin. Bul týraly «Ashyq» NQA portalynda jarııalanǵan Densaýlyq saqtaý mınıstriniń buıyryq jobasynda jazylǵan, dep habarlaıdy QazAqparat tilshisi.

«Densaýlyq saqtaý sýbektileri medıtsına qyzmetkerleri kodekstiń 64-baby 1, 2, 3, 4, 5, 8 tarmaqshalarda kózdelgen medıtsınalyq qyzmet túrin júzege asyrǵanǵa deıin medıtsına qyzmetkerleriniń kásibı jaýapkershiligin saqtandyrý shartyn jasasýǵa mindetti. Medıtsınalyq qyzmetkerdiń kásibı jaýapkershiligin saqtandyrý densaýlyq saqtaý sýbektisi jáne biryńǵaı saqtandyrý pýlynyń qatysýshysymen jasalatyn birlesip saqtandyrý sharty negizinde júzege asyrylady. Densaýlyq saqtaý sýbektisi medıtsınalyq qyzmetti medıtsına qyzmetkerleriniń kásibı jaýapkershiligin saqtandyrý shartyn jasaspaı júzege asyrýǵa quqyly emes», - dep jazylǵan buıryq jobasynda.

Málim bolǵandaı, medıtsına qyzmetkerleriniń kásibı jaýapkershiligin saqtandyrý sharty jyl saıyn jasalyp otyrýy tıis.

«Medıtsınalyq qyzmetti júzege asyrý nátıjesinde densaýlyq saqtaý sýbektisiniń jáne medıtsına qyzmetkeriniń patsıentke ómiri men densaýlyǵyna zııan keltirýi boıynsha oqıǵa saqtandyrý jaǵdaıy dep tanylady», - delingen saqtandyrý erejesinde.

Qujat 10 sáýirge deıin kópshilik talqylaýda bolady.

Qosa keteıik, buǵan deıin qazaqstandyq medıtsına qyzmetkerleriniń jalaqysy ósetinin jazyp edik.