«Medıtsına qyzmetkeriniń mártebesi týraly» jeke zań ázirleý orynsyz - Asqar Mamın
«Medıtsına qyzmetkerlerin qoldaý maqsatynda 2020 jylǵy 7 shildedegi «Halyq densaýlyǵy jáne densaýlyq saqtaý júıesi týraly» Kodekste quqyqtardy, mindetterdi, áleýmettik qorǵaý sharalaryn aıqyndaý, patsıenttiń ómiri men densaýlyǵyna zııan keltirgeni úshin kásiptik jaýapkershilikti saqtandyrý arqyly medıtsına qyzmetkerleriniń mártebesin kúsheıtý jónindegi normalar kózdelgen. Jańa normalarǵa sáıkes medıtsına qyzmetkerleriniń kólik shyǵyndaryn, laýazymdyq mindetterin atqarý kezinde ómiri men densaýlyǵyna keltirilgen zııandy ótetýge, áleýmettik qoldaý sharalaryn, jergilikti bıýdjetter qarajaty esebinen qosymsha jeńildikter men yntalandyrý tólemderin alýǵa quqyǵy bar. Osyǵan baılanysty «Medıtsına qyzmetkeriniń mártebesi týraly» jeke zań ázirleýdi orynsyz dep sanaımyz», - dedi Úkimet basshysy.
Onyń atap ótýinshe, 2020-2021 oqý jylyna qoǵamdyq densaýlyq jáne gıgıena, qoǵamdyq densaýlyq jáne epıdemıologııa kafedralary ashyldy. Tıisti bilim berý granttaryn bólý úshin medıtsına kadrlarymen, onyń ishinde epıdemıologııa, ınfektsııalyq aýrýlar, reanımatologııa, pýlmonologııa, kardıologııa sııaqty baǵyttar boıynsha qamtamasyz etýdiń uzaq merzimdi boljamy qalyptasýda.
«2012 jyldan bastap medıtsınalyq mamandyqtar boıynsha memlekettik bilim berý tapsyrysy esebinen bilim alǵan bitirýshilerdiń úsh jyl boıy mindetti jumyspen óteý normasy engizildi (elimizdiń medıtsınalyq joǵary oqý oryndarynyń 2019 jylǵy túlekterine qoldanylady). Aýyldyq eldi mekenderge jumys isteýge jáne turýǵa kelgen jas mamandarǵa jergilikti atqarýshy organdar bıýdjettiń múmkindigine qaraı áleýmettik qoldaý kórsetedi», - dep atap ótken Asqar Mamın.