Medıtsına boıynsha Nobel syılyǵynyń jeńimpazdary belgili boldy
Medıtsına boıynsha 2021 jylǵy Nobel syılyǵyn Devıd Djýlıýs pen Ardem Patapýtıannyń alǵany týraly búgin 4 qazan kúni Stokgolmde belgili boldy. Habarlandyrý translıatsııasy syılyqtyń Twitter-degi resmı akkaýntynda kórsetildi.
Djýlıýs – San-Frantsıskodaǵy Kalıfornııa ýnıversıtetinde jumys isteıdi, fızıolog. Ol mentol, qysha maıy men kapsaıtsınge áreket etetin retseptorlardy zertteýshi retinde belgili.
Patapýtıan – Skrıpps ǵylymı-zertteý ınstıtýtynyń bıology. Ol temperatýraǵa, ustaǵanǵa jáne torlar kóleminiń úlkeıýine belsene túsetin ıondyq kanaldar men retseptorlarly zertteýmen aınalysady.
Ótken jyly osy nomınatsııa boıynsha Nobel syılyǵyn S gepatıtin ashqan Harvı Olter, Charlz Raıs jáne Saıkl Haýton alǵan edi.
Syılyq ıegerlerine 10 mln kron (1,5 mln dollar) beriledi.
Al Azertadj agenttiginiń málimetinshe, basqa nomınatsııalar boıynsha jeńimpazdar osy aptada belgili bolady: 5 qazanda fızıka boıynsha sheshim shyǵarylady, 6 qazanda hımııa, 7 qazanda ádebıet nomınatsııalarynyń ıegerleri anyqtalady. 8 qazanda Osloda Álem syılyǵynyń laýreaty belgili bolady. Al ekonomıka boıynsha jeńimpazdyń esimi 11 qazan kúni atalmaq.
Eske sala keteıik, 4 qazannan bastap 2021 jylǵy Nobel syılyǵynyń laýreattary jarııa etile bastaıdy. Bıyl koronavırýs pandemııasyna baılanysty syılyq 10 jeltoqsan kúni 10 elde tabystalady. Marapattaý rásimi jylda Stokgolmde ótetin.