Medıtsına, baılanys jáne avtobýs tasymalyna qazaqstandyqtardyń kóńili tolmaıdy

ASTANA. QazAqparat – Saýda jáne ıntegratsııa mınıstrligi tutynýshylardyń quqyǵyn qorǵaý komıtetiniń tóraǵasy Asqar Tynysbekov qazaqstandyqtar qanaǵattanbaıtyn salalar men onyń sebebin aıtyp berdi, dep habarlaıdy QazAqparat tilshisi.

«Qazaqstandyq tutynýshylar eń aldymen medıtsınalyq qyzmetterge (9,3%) qanaǵattanbaıtyn bolyp shyqty. Naqtyraq aıtqanda, medıtsınalyq personaldyń dórekiligi, uzynsonar kezek jáne sapasyz kórsetilgen medıtsınalyq qyzmetterge kóńili tolmaıdy. Ekinshi orynda - baılanys, onyń ishinde ınternet (33,3%). ıAǵnı abonenttik tólemaqyny zańsyz ósirý, sapasyz ınternet, sol sııaqty tarıftik jospardyń qunyn ulǵaıtý jáne ózgertýge qatysty», - dedi Asqar Tynysbekov ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, otandastarymyz qanaǵattanbaıtyn kelesi sala - qoǵamdyq kólik jumysy (30,7%).

«Atap aıtqanda, jolaýshy tasymaldaý erejesiniń buzylýy, personaldyń dórekiligi, jolaqysyn qolma-qol jáne onlaın esep aıyrysýdaǵy baǵa aıyrmashylyǵy. Kelesi - qoǵamdyq orynda tamaqtaný qyzmeti (24,4%). Ol jerde de dórekilik jáne sapaly qyzmet kórsetpeý, búlingen tamaq jáne sanıtarlyq-gıgıenalyq normalardyń saqtalmaýy», - deıdi ol.