Medıaólshemder jańa tehnologııalardyń kómegimen onlaın rejımde qoljetimdi bolýy kerek - vıtse-mınıstr

NUR-SULTAN. QazAqparat – Internette kontent jasaýshylarǵa teleradıo habar taratýshylarǵa qoıylatyn talaptar qoıylýy múmkin. QR Aqparat jáne qoǵamdyq damý mınıstriniń orynbasary Kemelbek Oıshybaev osyndaı aqparat aıtty, dep habarlaıdy QazAqparat tilshisi.

«Tsıfrlyq jáne kabeldik teleradıo habar taratýdyń dástúrli operatorlary «Zamanaýı IPTV-tehnologııalardy paıdalanatyn kompanııalarǵa nege bizge qoıylatyn zańnama talaptary qoldanylmaıdy» degen suraq qoıyp otyr. Sondyqtan ınternet-keńistikte televızııalyq kontentti taratýshylarǵa jáne teleradıo habar taratýdyń dástúrli operatorlaryna qoıylatyn jalpy talaptardy aıqyndaý qanshalyqty qajet ekenin zerttep jatyrmyz. Dástúrli teleradıo habar taratýshylarǵa qoıylatyn talaptar men quqyqtar ınternet kontent taratýshy medıaǵa da berilýi kerek», - dedi mınıstrdiń orynbasary.

Sondaı-aq, ol mınıstrlik tarapynan «medıa ólshemder» boıynsha halyqaralyq tájirıbeni jiti zerttelip jatqanyn atady.

«Biz úshin Qazaqstanda medıaólshemder jańa tehnologııalardyń kómegimen onlaın rejımde qoljetimdi bolýy kerek. Qazir teelearnalar tarapynan kóp syn aıtylyp júr. Biraq biz áli naqty ólshem tásilin áli bekitken joqpyz. Medıa ólsheý tek qalalarda ǵana emes, búkil Qazaqstan boıynsha júrgizilýi shart. Sondaı-aq, ınternet-keńistikte ólshem ashyq bolýy kerek. Basqa elderdiń bul istegi tájirıbesin eskere otyryp, biz osy protsesti jaqyn arada zańnamalyq retteýdiń qanshalyqty qajet ekenin anyqtaımyz. ıAǵnı, zańnamalyq retteý kerek pe álde kirispeý kerek pe degen suraqqaý jaýap izdeımiz», -dedi Kemelbek Oıshybaev.