Medet Ysqaqov Aqtóbe oblysynyń Mártók aýdanyna ákim boldy

<p>Aqtóbe oblysy Mártók aýdany ákimi qyzmetine Medet Ysqaqov taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Aqtóbe oblysy ákimi baspasóz qyzmetiniń málimetinshe, Prezıdent Ákimshiliginiń jáne Mártók aýdandyq máslıhatynyń kelisimimen Medet Jumabaıuly Ysqaqov Mártók aýdanynyń ákimi laýazymyna taǵaıyndaldy.

Ol Q.Jubanov atyndaǵy Aqtóbe memlekettik ýnıversıtetin, Almaty ekonomıka jáne statıstıka akademııasyn támamdaǵan. Eńbek jolyn 2000 jyly Q.Medetov atyndaǵy Mártók balalar óner mektebiniń muǵalimi bolyp bastap, mektep dırektory qyzmetine deıin kóterilgen.

2016 – 2021 jyldary Qaratoǵaı aýyldyq okrýginiń ákimi, Mártók aýdandyq mádenıet jáne tilderdi damytý bóliminiń basshysy, Mártók aýdany ákiminiń orynbasary qyzmetterin atqarǵan.

2021 – 2022 jyldary Aqtóbe oblysynyń tilderdi damytý basqarmasyn basqardy.

2022 jyldyń qazan aıynan bastap osy ýaqytqa deıin Aqtóbe qalasy Almaty aýdanynyń ákimi laýazymynda boldy.