Metsenat Bekzat Altynbekov: Barsha halyqtyń tileıtini - ádil saılaý

NUR-SULTAN. QazAqparat - Prezıdent saılaýy aldynda Qazaqstan halqy memleket esebinde beriktigin, birligin kórsete bilýi kerek. QHA múshesi, bilim metsenaty, QR Bilim berý isiniń qurmetti qyzmetkeri Bekzat Altynbekov aldaǵy saılaýǵa qatysty osyndaı pikir bildirdi, dep habarlaıdy QazAqparat tilshisi.

«Memleket basshysy Qasym-Jomart Toqaevtyń halyqqa jasaǵan úndeýinde 9 maýsymda Prezıdent saılaýy ótetini jarııalandy. Bul kez kelgen memlekette bolatyn úlken eleýli oqıǵalardyń biri ári biregeıi dep qabyldaýymyz kerek. Ár kezeńderde ár memlekettiń damýynda túrli kúrdeli kezeńder bolady. Onyń bárin aman-saýlyqpen, birlikpen ótkizdik. Keshegi Prezıdenttiń úndeýi - Qazaqstan halqynyń Elbasynyń óz ókilettigin toqtatqannan keıingi kútip otyrǵan eleýli oqıǵalarynyń biri edi. Mine, sony Prezıdentimiz Qazaqstan halqyna úndeýi arqyly jetkizdi. Endigi basty maqsat - memleket esebinde beriktigimizdi, iriligimizdi kórsetýimiz kerek dep esepteımiz», - dedi metsenat.

Onyń aıtýynsha, qazaq halqy birlikti, yntymaqty, tatýlyqty qalaıtyn ult. Halyq esebinde osy rette Qazaqstan jurtshylyǵy yntymaǵyn tanyta bilýi tıis.

«Prezıdentimizdiń úndeýin barshamyz qoldaımyz. Men Qazaqstan halqy Assambleıasynyń keńes múshesi esebinde, Qaraǵandy oblystyq máslıhattyń depýtaty retinde aıtarym: jalpy osyǵan deıin Elbasyna qutty tuǵyr bolǵan Arqa jurty - aldaǵy saılaýda óziniń bekemdigin, birligin, tatýlyǵyn taǵy da kórsetedi dep oılaımyz. Barsha halyqtyń tileıtini - ádil saılaý. Biz soǵan qol jetkizemiz dep esepteımiz», - deıdi Bekzat Altynbekov.

Eske sala ketsek, aǵymdaǵy jyldyń 9 maýsymynda elimizde kezekten tys prezıdenttik saılaý ótedi. Bul týraly respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev aıtty.

Memleket basshysy Qasym-Jomart Toqaevtyń respýblıkalyq telearnalar arqyly Qazaqstan halqyna joldaǵan úndeýiniń tolyq mátinin myna siltemeden oqýǵa bolady.