Metsenat Baýyrjan Ospanov aýyl halqyna meshit salyp berdi

TALDYQORǴAN.QazAqparat - Belgili metsenat, «ZHERSU» ınvestıtsııalyq-óndiristik korporatsııasynyń baqylaý keńesiniń tóraǵasy Baýyrjan Ospanov aýyl halqyna meshit salyp berdi. Qulshylyq úıi Almaty oblysynyń Alakól aýdanyna qarasty Lepsi aýylynda boı kóterdi, dep habarlaıdy QazAqparat tilshisi.

150 adamǵa laıyqtalǵan jańa meshittiń  ashylýyna «Qasıetti Qazaqstan» ǵylymı-zertteý ortalyǵynyń basshysy Berik Ábdiǵalıev, Qazaqstan Musylmandary Dinı basqarmasynyń naıb mýftı Alaý Ádilbaev, Taldyqorǵan óńiri boıynsha ókil ımam Ardaq Núsiphanuly, Alakól aýdanynyń qurmetti azamaty Muqash Baıǵarashov, belgili metsenat «ZHERSU» ınvestıtsııalyq-óndiristik korporatsııasynyń baqylaý keńesiniń tóraǵasy Baýyrjan Ospanov jáne alakóldik ıamamdar men turǵyndar qatysty. Jańa meshitke Ermek Ýtbaev ımam bolyp taǵaıyndalyp, quran oqydy.