Májiliste Qazaqstannyń Tsıfrlyq kodeksi jobasyn talqylaýǵa arnalǵan sarapshylar alańy jumysyn bastady
«Búgin bizde mańyzdy oqıǵa, tsıfrlyq damý, tsıfrlyq quqyq salasyndaǵy mańyzdy is-sharany bastaǵaly otyrmyz. Іs-sharamyz sapaly Tsıfrlyq kodes ázirleýge baılanysty bizdiń aldaǵy birlesken jumysymyzdyń josparyna, keleshegine arnalyp otyr. Ol aldaǵy ýaqytta tsıfrlyq salamyzdyń bazalyq qujatyna aınalatyn bolady», - dep atap ótti Májilis depýtaty Ekaterına Smyshlıaeva.
Іs-sharaǵa qatysqan Tsıfrlyq damý, ınnovatsııa jáne aeroǵarysh ónerkásibi mınıstri Jaslan Mádıevtiń dereginshe, BUU-nyń elektrondy úkimettik damytý jónindegi ındeksine sáıkes, Qazaqstan onlaın qyzmet kórsetý boıynsha álemniń úzdik 10 eliniń qataryna kirip otyr. Sonymen qatar atalǵan ındekstiń telekommýnıkatsııa ınfraqurylymy, adamı kapıtal syndy salalarynda da elimizdiń ilgeri basqany baıqalady. Elimizdi tsıfrlandyrý salasyndaǵy jetistikteri ózge elderge de eksporttalyp jatyr.
«Memleket basshysy jasandy ıntellekt máselesine erekshe nazar aýdaryp, adamı kapıtaldy damytý, azamattardyń, bıznestiń kúndelikti ómirinde qoldaný baǵytynda damytý úshin úlken tapsyrma júktedi. Keler jylǵa jasandy ıntellektige qatysty aldymyzda úlken tapsyrma tur. Sizdermen birge qolǵa alǵan Tsıfrlyq kodekspen qatar depýtattardyń bastamasymen jasandy ıntellekt týraly zań jobasyn ázirleýmiz qajet», - dedi ol.