Májiliske Kókshetaý, Semeı jáne Óskemen qalalarynda JEO salý týraly qujat engizildi
«Qaralyp otyrǵan kelisim Kókshetaý, Semeı jáne Óskemen qalalarynda kómir jaǵatyn jylý elektr ortalyqtaryn salý jobalaryn iske asyrý boıynsha Qazaqstan Úkimeti men Reseı Úkimeti arasyndaǵy yntymaqtastyqty júzege asyrýǵa baǵyttalǵan. Kelisim jabdyqtardy jobalaý, daıyndaý jáne jetkizý, jańa jylý ortalyqtaryn salý ári paıdalanýǵa berý jónindegi jumystardy, sondaı-aq Qazaqstan jaǵyna Reseıdiń memlekettik eksporttyq kredıtin berýge jeńildikti qarjylandyrý tetikterin oryndaý sharttaryn aıqyndaıdy. Májilistiń Ekologııa máseleleri jáne tabıǵat paıdalaný komıteti zań jobasy boıynsha qorytyndy ázirleýge daıyn», - dedi Májilis depýtaty Edil Jańbyrshın palatanyń jalpy otyrysynda.
Eske salsaq, byltyrǵy qarashada Qazaqstan men Reseı Energetıka mınıstrlikteri arasynda Kókshetaý, Semeı jáne Óskemen jylý elektr ortalyqtaryn salý jobalary boıynsha yntymaqtastyq jónindegi ózara túsinistik memorandýmyna qol qoıylǵan bolatyn.