Májilis jańartylatyn energııa kózderine qatysty zańdy qabyldady

<p>ASTANA. KAZINFORM &ndash; Búgin Májilistiń jalpy otyrysynda &laquo;Qazaqstan Respýblıkasynyń keıbir zańnamalyq aktilerine jańartylatyn energııa kózderin paıdalanýdy qoldaý, elektr energetıkasy jáne tabıǵı monopolııalar máseleleri boıynsha ózgerister men tolyqtyrýlar engizý týraly&raquo; zańy ekinshi oqylymda qaralyp, qabyldandy.</p>

Atalǵan zańǵa Parlament depýtattary bastamashylyq jasap, osy jyldyń 13 naýryzynda Parlament Májilisi birinshi oqylymda maquldady.

«Zań jobasynyń negizgi normalaryna toqtalsaq, «jańartylatyn energııa kózderin paıdalaný jónindegi shaǵyn aýqymdy obekt» uǵymyn engizýge baǵyttalǵan. Sonymen qatar, qujatta ýákiletti organnyń elektr jelilerine qosý jáne jańartylatyn energııa kózderin paıdalaný jónindegi shaǵyn aýqymdy obektilerdi paıdalaný qaǵıdalaryn ázirleý jónindegi quzyretin bekitýge arnalǵan. Jańartylatyn energııa kózderin paıdalaný boıynsha shaǵyn aýqymdy obektiniń belgilengen qýatyn 100-den 200 kılovatqa deıin ulǵaıtý eskerilgen», - dedi Májilis depýtaty Baýyrjan Smaǵulov.

Zań jobasyn ekinshi oqylymǵa daıyndaý kezinde depýtattar kelesi túzetýlerdi usyndy:

- energııamen jabdyqtaýshy uıymdardyń jıyntyq qýaty 10 megavattan aspaıtyn, 2023 jylǵy 1 shildege deıin paıdalanýǵa berilgen sý elektr stantsııasynan elektr energııasyn basymdyqpen satyp alýdy júzege asyrý;

- jańartylatyn energııa kózderin paıdalanýdy qoldaý salasynda memlekettik retteý.

«Zań jobasyn qaraý aıasynda tanystyrylym, on jumys tobynyń otyrysy jáne Májilistiń Ekologııa máseleleri jáne tabıǵat paıdalaný komıtetiniń eki keńeıtilgen otyrysy ótkizildi. Jumys toby múddeli memlekettik organdar, vedomstvolar, qaýymdastyqtar ókilderi men jańartylatyn energııa kózderi naryǵyna basqa qatysýshylardyń qatysýymen 60-tan astam túzetýler qaraldy. Parlament Májilisiniń komıtetteri osy Zań jobasy boıynsha oń qorytyndylar usyndy», - dedi depýtat.