Májilis ulttyq qaýipsizdikti qamtamasyz etýge baǵyttalǵan zańdy qabyldady

<p>Búgin Májilistiń jalpy otyrysynda &laquo;Qazaqstan Respýblıkasynyń keıbir zańnamalyq aktilerine ulttyq qaýipsizdikti qamtamasyz etý jáne Qazaqstan Respýblıkasynyń arnaýly memlekettik organdaryndaǵy qyzmet máseleleri boıynsha ózgerister men tolyqtyrýlar engizý týraly&raquo; zań ekinshi oqylymda qaralyp, talqylaýdan keıin qabyldandy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Zań jobasynyń maqsaty - ulttyq qaýipsizdikti qamtamasyz etý salasyndaǵy zańnamany odan ári jetildirý.

Qujatty talqylaý barysynda depýtattar birqatar túzetý engizdi. Onyń ishinde Qazaqstan Respýblıkasy Terrorızmge qarsy ortalyǵynyń jáne jergilikti atqarýshy organdardyń ekstremızmniń aldyn alýdy úılestirý ári uıymdastyrý jónindegi quzyretin keńeıtý usynylady.

Áleýmettik sıpattaǵy tótenshe jaǵdaıdyń aldyn alý jáne ony joıý jóninde sharalar qabyldaý úshin, sondaı-aq tótenshe nemese áskerı jaǵdaı engizilgen kezde memlekettik mekemelerdiń birinshi basshylaryna mekemelerdiń múlkin quqyq qorǵaý ári arnaýly memlekettik organdarǵa, QR Qarýly Kúshterine jáne basqa da áskerler men áskerı qurylymdarǵa berý jónindegi ókilettikter berý eskerilgeni.

Budan bólek, memlekettik qupııalardy qorǵaý sharalaryn kúsheıtý maqsatynda depýtattar memlekettik qyzmetshiler men memlekettik qyzmette joq adamdar úshin memlekettik qupııalarǵa ruqsat berýdiń biryńǵaı talaptaryn belgileıtin normalardy engizdi.

Sonymen qatar, depýtattar quqyqtyq olqylyqtardy joıýǵa jáne arnaýly memlekettik organdarda qyzmet ótkerý kezinde organdar qyzmetkerleriniń áleýmettik kepildikterin nyǵaıtýǵa baǵyttalǵan normalardy ázirledi. Atap aıtqanda, túzetýler arqyly ataqtar berý, attestattaýdan ótý jáne joǵary oqý oryndarynda oqý tártibi jetildiriledi.

Memleket basshysynyń tıisti tapsyrmalaryn iske asyrý maqsatynda depýtattar qyzmetkerlerdi ulttyq qaýipsizdik organdarynan bosatýdyń neǵurlym ıkemdi sharttaryn usyndy. Aıtalyq, jıyrma bes jyldan astam eńbek sińirgen qyzmetkerlerdi óz qalaýy boıynsha jumystan bosatý quqyǵy qarastyrylǵan.