Túrki ınvestıtsııalyq qoryn qurý týraly kelisim ratıfıkatsııalandy

<p><span style="font-family: sans-serif; font-size: 18px;">Májilis &laquo;Túrki ınvestıtsııalyq qoryn qurý týraly&raquo; kelisimdi ratıfıkatsııalady, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

Zań jobasyn depýtattarǵa tanystyrǵan Ulttyq ekonomıka mınıstri Álibek Qýantyrov qordyń maqsaty óńirishilik saýdany keńeıtip, uıymǵa múshe memleketterdiń ekonomıkalyq damýyna járdemdesý ekenin atap ótti.

«Qor ınvestıtsııalyq qyzmet arqyly shaǵyn jáne orta kásiporyndardyń jobalaryn qarjylandyrý, fızıkalyq jáne tsıfrlyq ınfraqurylymdy qurý, ónerkásip óndirisin, kólik pen aýyl sharýashylyǵyn, týrızm men jasyl ekonomıka sııaqty túrli saladaǵy damý jobalaryn qoldaý fýnktsııalaryn atqarady.

Bul atalǵan jobalar eń aldymen, jańa jumys oryndaryn ashýǵa, Qazaqstan ekonomıkasyn ártaraptandyrýǵa múmkindik beretinin atap ótý mańyzdy», - dedi mınıstr.

Atap ótýinshe, qordyń jarǵylyq kapıtaly 500 mln dollar kóleminde bolmaq. Naqty aıtsaq, nomınaldy quny 350 mln dollar kólemindegi tólengen aktsııalardan, qosymsha tartylatyn 150 mln dollarlyq aktsııalardan quralady. Onyń ishinde árbir memlekettiń úlesine 70 mln tólengen aktsııalardan keledi.

«Qordyń árbir múshesi birdeı daýys berý quqyǵyna ıe. Qordyń birinshi prezıdenti bolyp Túrki memleketteri uıymynyń burynǵy Bas hatshysy Baǵdat Qultaıuly Ámireev taǵaıyndaldy.

Qordyń ornalasqan jeri, ıaǵnı shtab-páteri retinde túrki elderi kóshbasshylarynyń kelisýimen Ystanbul qalasy bolyp belgilendi», - dedi vedomstvo basshysy.