Májilis tóraǵasy Prezıdenttiń Túrkııa halqyna arnalǵan 100 jyldyq mereıtoımen quttyqtaýyn oqyp berdi

<p>Májilis tóraǵasy Erlan Qoshanov Túrkııa Respýblıkasynyń 100 jyldyǵyna arnalǵan qabyldaýda Memleket basshysy Qasym-Jomart Toqaevtyń 100 jyldyq mereıtoımen quttyqtaýyn oqyp berdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Baýyrlas túrik halqyn elińizdiń tarıhyndaǵy aıtýly oqıǵa — Túrkııa Respýblıkasynń 100 jyldyǵymen shyn júrekten quttyqtaımyn. Tereńge jaıylǵan asyl tarıhynan, baı mádenı murasynan, halqynyń qaısarlyǵy men danalyǵynan bastaý alatyn búgingi Anadoly qarqyndy damýǵa qol jetkizip, jahandyq deńgeıdegi kóshbasshy ápi qýatty elderdiń qataryna engenin erekshe qýanyshpen atap ótemin. Sizdiń salıqaly da kóregen saıasatyńyz, qajyrly kúsh-jigerińiz ben ıgi bastamalaryńyz elińizdi jańa altyn ǵasyrǵa qadam bastap, bıik maqsat-murattarǵa jeteleı berýine shynaıy tilektespin», – delingen Prezıdent quttyqtaýynda.

Memleket basshysy Qazaqstan men Túrkııanyń berik dostyq pen ózara qoldaýǵa negizdelgen qarym-qatynastary aǵaıyn halyqtarymyzdyń ıgiligi úshin keńeıtilgen strategııalyq áriptestik rýhynda ǵasyrdan- ǵasyrǵa jalǵasa beretinine kámil senetinin aıtqan. 

Erlan Qoshanov Qaraǵandy oblysyndaǵy shahtadaǵy qaıǵyly oqıǵaǵa baılanysty Qazaqstan halqyna qoldaý bildirip jatqan Túrkııa basshylyǵyna jáne dıplomatııalyq korpýs ókilderine alǵysyn jetkizdi.

Palata tóraǵasy elderimizdiń Parlament deńgeıindegi jáne TúrkPA sııaqty halyqaralyq alańdar aıasyndaǵy yntymaqtastyǵyna toqtaldy. 

Sonymen qatar Májilis spıkeri Túrkııanyń 100 jyldyq mereıtoıyna oraı Astanada «Anadoly» kóshesi, Shymkentte «Túrkııa» dańǵyly men saıabaǵy, Almatyda Mustafa Atatúrikke arnalǵan eskertkish ashylǵaly jatqanyn aıtty. Al 26 qazanda elordadaǵy «Atatúrik» saıabaǵynda ıÝnýs Emrege arnalǵan eńseli eskertkish ashyldy.