Qazaqstan búkil adamzattyń úılesimdi bolashaǵyn qalyptastyrýǵa úles qosyp keledi – E.Qoshanov
Májilis spıkeri óz sózin jýyrda Máskeý oblysynda bolǵan terrorlyq shabýylǵa baılanysty Reseı halqyna kóńil aıtýdan bastady.
Erlan Qoshanov Parlamentaralyq Odaq Assambleıasynda sóılegen sózinde «Parlamenttik dıplomatııa: beıbitshilik pen ózara túsinistik jolynda baılanys ornatý» atty kezdesý taqyrybynyń ózektiligi aıryqsha ekenin atap ótti.
– Prezıdent Qasym-Jomart Toqaevtyń basshylyǵymen Qazaqstan ornyqty damýǵa jáne búkil adamzattyń úılesimdi bolashaǵyn qalyptastyrýǵa óz úlesin qosyp keledi. Oǵan, ásirese, sońǵy jyldary elimizde júrgizilip jatqan aýqymdy saıası reformalar aıqyn dálel. Qazirgi kezde demokratııalyq el, ádiletti Qazaqstan qurý úshin barlyq jaǵdaı jasalǵan. Bul – beıbitshilik pen órkendeýdiń kepili. Qazaqstan Parlamenti de bul jumysqa belsene atsalysýda. Budan bólek, elimizdiń ıadrolyq, hımııalyq jáne bıologııalyq qarýǵa qarsy bastamalaryn, turaqty túrde ótkizilip keletin Álemdik jáne dástúrli dinder kóshbasshylarynyń sezderin erekshe atap ótýge bolady, – dedi Erlan Qoshanov.
Májilis tóraǵasy BUU-nyń turaqty damý maqsattaryn ilgeriletýge búkil álem parlamentteriniń qatysýynyń mańyzdylyǵyna nazar aýdaryp, Almatyda Ortalyq Azııa men Aýǵanstan úshin BUU-nyń Ornyqty damý jónindegi Óńirlik ortalyǵyn qurý baǵytyndaǵy josparlary týraly aıtty. Sondaı-aq Ortalyq Azııa elderi áıelderiniń dıalogy men «TechnoWomen Central Asia» qoǵamdastyǵy alańdarynda ótkiziletin genderlik jumysqa jeke toqtaldy.
– Depýtattar halyqaralyq janjaldardyń aldyn alý jáne olardy retteý úshin parlamenttik dıplomatııa tetikterin qoldaný mańyzdy ekenin quptaıdy. Jaqynda biz Parlamentte Qazaqstannyń bitimgershilik kontıngentin Golan asýlaryna jiberý jónindegi sheshimdi maquldadyq. Bul – Birikken Ulttar Uıymynyń mandaty boıynsha bizdiń bitimgerlerimizdiń alǵashqy derbes mıssııasy. Bul Qazaqstannyń jahandyq qaýipsizdik pen turaqtylyqqa qosqan úlesi dep bilemiz, – dedi Erlan Qoshanov.
Májilis tóraǵasy halyqaralyq kólik-logıstıka yntymaqtastyǵyn damytý jóninde usynys aıtyp, Qazaqstan búkil Eýrazııa qurlyǵy boıynsha transkontınentaldyq tasymaldardy ártaraptandyrý baǵytynda tynymsyz jumys istep jatqanyna nazar aýdardy. Osy oraıda Orta dálizdiń naqty quqyqtyq rejımin qurýdyń mańyzy erekshe.
Májilis spıkeri Azyq-túlik qaýipsizdigi jónindegi Islam Uıymynyń jumysyn mysal ete otyryp, azyq-túlik qaýipsizdigi máselelerine mán berdi. Sý resýrstaryn tıimdi paıdalaný týraly aıta kele, Májilis tóraǵasy Qazaqstan men Frantsııa Prezıdentteriniń bastamasymen Nıý-Iorkte «One Water» sammıti ótetinin jáne 2026 jyly Qazaqstan Birikken Ulttar Uıymy aıasynda Óńirlik klımattyq sammıt ótkizýdi josparlap otyrǵanyn aıtty.
Parlamentaralyq Odaq Assambleıasy aıasynda Erlan Qoshanov Parlamentaralyq Odaqtyń Tóraıymy Tý́lııa Áksonmen kezdesti. Kezdesýdiń basty taqyryby Qazaqstan Parlamentiniń Parlamentaralyq Odaqpen ózara is-áreketin nyǵaıtý boldy, onyń jumysyna Májilis depýtattary belsene qatysýda.
– Saıası, ekonomıkalyq jáne gýmanıtarlyq baılanystarǵa járdemdesý úshin parlamenttik dıplomatııa áleýetin paıdalaný – elimizdiń Syrtqy saıasat tujyrymdamasy basymdyǵynyń biri. Bizdiń elimiz jahandyq jáne óńirlik deńgeıde beıbitshilikti, qaýipsizdik pen ornyqty damýdy qamtamasyz etýde belsendi pozıtsııa ustanady jáne oǵan eleýli úles qosyp otyr, – dedi Májilis tóraǵasy.
Óz kezeginde, Parlamentaralyq Odaq basshysy klımattyń ózgerýi, demokratııa jáne adam quqyqtary, beıbitshilik pen qaýipsizdik, genderlik teńdik, jastardyń belsendiligi men ornyqty damý sııaqty baǵyttar boıynsha Parlamentaralyq Odaq Assambleıasynyń quramyndaǵy qazaqstandyq depýtattardyń nátıjeli jumysyn atap ótti.
Áńgime sońynda Erlan Qoshanov Tý́lııa Áksondy Qazaqstanǵa resmı saparmen kelip, 2025 jyly ótetin Álemdik jáne dástúrli dinder lıderleri Sezine qatysýǵa shaqyrdy.
Parlamentaralyq Odaq Assambleıasynyń alańynda Májilis tóraǵasy Egıpet Arab Respýblıkasy Ókilder Palatasynyń spıkeri Hanafı Djebalımen jáne Pákistan Islam Respýblıkasy Ulttyq Assambleıasynyń tóraǵasy Sardar Sadıkpen kezdesýler ótkizdi. Erlan Qoshanov sheteldik áriptesterine Qazaqstanda júrgizilip jatqan reformalar týraly málimet berip, olarmen parlamentaralyq dıplomatııa baǵytyndaǵy yqpaldastyqtyń joldaryn talqylady.
Jenevadaǵy Parlamentaralyq Odaq Assambleıasynyń jumysyna uıymǵa múshe 150-den astam eldiń delegattary qatysty. Májilis depýtattary negizgi sessııadan basqa turaqty komıtetterdiń, Azııa parlamenttik assambleıasynyń úılestirý kezdesýine, paneldik pikirtalastarǵa, sondaı-aq áıel-parlamentshiler men jas depýtattardyń forýmdaryna qatysty. Bul sessııada 2023 jyly Lýandada Beıbitshilik jáne halyqaralyq qaýipsizdik máseleleri jónindegi turaqty komıtettiń úsh jylǵa tóraǵasy bolyp saılanǵan Májilis depýtaty Aıgúl Quspan óz mindetin atqarýǵa kiristi.