Májilis TMD elderinde qaýipti aýrýlarmen kúreske qatysty zańdy qabyldady

<p>Búgin Májilistiń jalpy otyrysynda &laquo;Táýelsiz Memleketter Dostastyǵyna qatysýshy memleketterdiń aýmaqtaryn sanıtarııalyq qorǵaý salasyndaǵy yntymaqtastyq týraly kelisimdi ratıfıkatsııalaý týraly&raquo; Zańy qabyldandy, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

Qujatqa 2021 jylǵy 28 mamyrda Mınsk qalasynda qol qoıylǵan.

«Bul kelisimge 11 eldiń 8-i qol qoıdy. Qujat aıasynda asa qaýipti aýrýlarǵa, ıaǵnı tótenshe jaǵdaıǵa qatysty ınfektsııalyq indetterdiń taralýyna jol bermeý jónindegi kelisilgen is-sharalardy atqarý qarastyrylǵan. Aýrýlardyń tolyq tizbesi osy Kelisimge qosymshada aıqyndalǵan. Budan basqa, Kelisim halyqtyń densaýlyǵy úshin qaýipti jáne tótenshe jaǵdaılardyń bolýy múmkindigimen baılanysty taýarlardyń jetkizilýin boldyrmaýǵa baǵyttalǵan», - dedi Densaýlyq saqtaý mınıstri Ajar Ǵınııat.

Onyń aıtýynsha, asa qaýipti ınfektsııalyq aýrýlarǵa qatysty máseleler boıynsha elderdiń ózara is-qımylyn úılestirý TMD-ǵa múshe memleketterdiń bas memlekettik sanıtarııalyq dárigerleriniń keńesine júkteledi.

«Kelisimde memleketterdiń ótinishi boıynsha osyndaı aýrýlar men taýarlardy anyqtaý jáne taralý jaǵdaılary týraly barlyǵyn jedel habardar etý, sondaı-aq epıdemııaǵa qarsy is-sharalardy júrgizý úshin praktıkalyq, tehnıkalyq kómek kórsetý boıynsha TMD elderiniń mindettemeleri aıqyndalǵan», - dedi mınıstr.