Májilis Sıngapýrmen saýdany kúsheıtýge arnalǵan zańdy qabyldady

<p>ASTANA. KAZINFORM &mdash; Búgin Májilistiń jalpy otyrysynda &laquo;Bir taraptan EAEO men oǵan múshe memleketter jáne ekinshi taraptan Sıngapýr arasyndaǵy erkin saýda týraly kelisimge, sondaı-aq bir taraptan EAEO men oǵan múshe memleketter jáne ekinshi taraptan Sıngapýr arasyndaǵy jan-jaqty ekonomıkalyq yntymaqtastyq týraly negizdemelik kelisimdi ratıfıkatsııalaý týraly&raquo; Zańy qabyldandy.</p>

Kelisimderdiń maqsaty – saýda-ekonomıkalyq yntymaqtastyqty keńeıtý, sondaı-aq taýarlardy seriktestiń naryǵyna ilgeriletý jáne Eýrazııalyq ekonomıkalyq odaq elderine ınvestıtsııalar tartý úshin qolaıly jaǵdaılar jasaý.

- Erkin saýda týraly kelisim Eýrazııalyq ekonomıkalyq odaqqa múshe memleketter men Sıngapýr arasynda taýarlar saýdasynyń bajsyz rejımin belgileý jónindegi ózara mindettemelerdi bekitedi. Sonymen qatar, EAEO-ǵa múshe memleketterdiń naryqtaryna shyǵýy kezinde asa sezimtal taýarlarǵa qatysty ımporttyq kedendik bajdar saqtalady, olar shamamen 12%-dy quraıdy (bul et, balyq, sút ónimderi, jemister, kókónister, tamaq jáne jeńil ónerkásiptiń keıbir túrleri, alkogol jáne temeki ónimderi, kólik quraldary jáne basqa da taýarlar). Sıngapýr Kelisim kúshine engen sátten bastap Qazaqstan men Eýrazııalyq ekonomıkalyq odaq elderinen ákelinetin barlyq taýarlarǵa kedendik bajdaryn joıady, - dedi QR Saýda jáne ıntegratsııa vıtse- mınıstri Qaırat Tórebaev.

Onyń aıtýynsha, Negizdemelik kelisim Eýrazııalyq ekonomıkalyq odaqqa múshe memleketter men Sıngapýr arasyndaǵy saýda-ekonomıkalyq qatynastardy damytýǵa baǵyttalǵan.

- Jalpy, bul kelisimderdi jasasý Sıngapýr naryǵyna qol jetkizý kezinde turaqty quqyqtyq jaǵdaılarǵa kepildik beredi. Osy kelisimderdi ratıfıkatsııalaý teris áleýmettik-ekonomıkalyq jáne quqyqtyq saldarǵa ákep soqpaıdy, sondaı-aq respýblıkalyq bıýdjetten qosymsha qarjylyq shyǵyndardy talap etpeıdi, - dedi vıtse-mınıstr.