Májilis «Mass-medıa týraly» týraly zańdy qabyldady

<p>ASTANA. KAZINFORM &ndash; Májilis &laquo;Mass-medıa týraly&raquo; týraly zańdy jáne keıbir zańnamalyq aktilerge mass-medıa máseleleri boıynsha ózgerister men tolyqtyrýlar engizýdi kózdeıtin zańdy ekinshi oqylymda qabyldady.</p>

Qujatty tanystyrǵan Májilis depýtaty Janarbek Áshimjan zań jobasyn ázirlep, pysyqtaýǵa belsendi qatysqan qoǵam múshelerine alǵys bildirdi.

«Zań jobasynda jekelegen jýrnalısterge ońaılatylǵan akkredıtteý quqyǵyn beretin «baspasóz kartasyn» engizý jónindegi norma usynylǵan. Ashyǵyn aıtý kerek, bul norma jumys tobynda, jalpy qoǵam ishinde úlken pikirtalas týdyrdy. Jumys tobyndaǵy múshelerdiń basym bóligi bul normany demokratııalyq prıntsıpterge qaıshy, jýrnalısterdi alalaý, jan-jaqty aqparat taratýǵa kedergi keltiretin norma dep baǵalady. 

Sondyqtan bul norma boıynsha naqty sheshim qabyldandy – «press-karta» týraly norma joıyldy», - dedi depýtat.

Sondaı-aq, zańnyń negizgi maqsattaryna toqtaldy.

«Negizgi zań jobasynda jýrnalısterdiń mártebesin arttyrý, quqyqtaryn nyǵaıtý jáne mindetterin qaıta qaraý, jýrnalısterdiń artyqshylyqtaryn keńeıtýge baǵyttalǵan naqty usynystar kózdelgen», - dedi Janarbek Áshimjan.