Májilis Qytaımen arada quqyqtyq kómek kórsetýge qatysty zańdy qabyldady

<p>ASTANA. KAZINFORM &ndash; Búgin Májilistiń jalpy otyrysynda &laquo;1993 jylǵy 14 qańtardaǵy Qazaqstan Respýblıkasy men Qytaı Halyq Respýblıkasy arasyndaǵy Azamattyq jáne qylmystyq ister boıynsha quqyqtyq kómek kórsetý týraly shartqa ózgerister engizý týraly hattamany ratıfıkatsııalaý týraly&raquo; Zańy qabyldandy.</p>

«Hattama aıasynda Qazaqstan Respýblıkasynyń aýmaǵynda sheteldik sottardyń sheshimderi men ótinishterin oryndaý salasynda quqyqtyq kómek kórsetý jónindegi sot organdarynyń fýnktsııalaryn naqtylaý boıynsha Sharttyń 2-babyna ózgeris engiziledi. Hattamada mynadaı ortalyq mekemeler aıqyndalǵan: Qazaqstan jaǵynan - Joǵarǵy Sot, Bas prokýratýra jáne Ádilet mınıstrligi, al Qytaı tarapynan – Ádilet mınıstrligi, Joǵarǵy halyq prokýratýrasy jáne Joǵarǵy Halyq Soty. Hattama «Qazaqstan Respýblıkasynyń halyqaralyq sharttary týraly» Zańnyń 27-babynyń 4-tarmaǵyna sáıkes ratıfıkatsııalaýǵa jatady», - Ádilet mınıstri Azamat Esqaraev.

Bul ózgerister azamattardyń ózderiniń de, ýákiletti organdardyń da ótinishterdi quzyretti organnan ýaǵdalasýshy taraptardyń Joǵarǵy sotyna deıin qaıta jiberý jónindegi ýaqytsha shyǵyndaryn boldyrmaıdy. Bul óz kezeginde azamattar men zańdy tulǵalardyń zańdy múddelerin qorǵaý máselelerin anaǵurlym tez sheshýge yqpal etetin bolady.

Onyń aıtýynsha, Hattamany ratıfıkatsııalaý Qazaqstan men Qytaı azamattarynyń quqyqtaryn qorǵaýǵa baǵyttalǵan Azamattyq jáne qylmystyq ister boıynsha quqyqtyq kómek kórsetý salasyndaǵy ekijaqty yntymaqtastyqty odan ári nyǵaıtýǵa yqpal etedi.

«Zańdy qabyldaý teris áleýmettik-ekonomıkalyq jáne quqyqtyq saldarǵa ákep soqpaıdy, sondaı-aq respýblıkalyq bıýdjetten qosymsha qarjylyq shyǵyndardy talap etpeıdi», - dedi mınıstr.