Májilis Qazaqstanda Starlink-ti zańdy túrde paıdalanýǵa arnalǵan qujatty qabyldady

<p>ASTANA. KAZINFORM &ndash; Búgin Májilistiń jalpy otyrysynda &laquo;Qazaqstan Respýblıkasynyń keıbir zańnamalyq aktilerine baılanys, tsıfrlandyrý jáne aqparattandyrý salasynyń ınvestıtsııalyq ahýalyn arttyrý máseleleri boıynsha ózgerister men tolyqtyrýlar engizý týraly&raquo; Zańy ekinshi oqylymda qaralyp, qabyldandy.</p>

Qujat QR Parlamenti Májilisi depýtattarynyń bastamasymen ázirlendi. Zań aıasynda birqatar túzetý Memleket basshysynyń tapsyrmalaryn oryndaýǵa baǵyttalǵan. Ol 2024 jylǵy 29 qańtarda birinshi oqylymda maquldandy.

«Depýtattar usynǵan bastamalardyń ishinde birqatar mańyzdy normalardy erekshe atap ótkim keledi. Pılottyq joba aıasynda geostatsıonarlyq emes spýtnıkterdi (StarLink, OneWeb) paıdalana otyryp, baılanys tehnologııalaryn engizý úshin erekshe retteý engiziledi. Іlki jobanyń quqyqtyq jáne tehnıkalyq rejımderin baılanys salasyndaǵy ýákiletti organ jáne Ulttyq qaýipsizdik komıteti aıqyndaıdy. Bul shalǵaı aýyldardaǵy áleýmettik nysandardy ınternetpen qamtamasyz etýge múmkindik beredi», - dedi Májilis depýtaty Ekaterına Smyshlıaeva.

Sonymen qatar, zań aıasynda múgedektigi bar adamdardy qoldaý úshin baılanys salasyndaǵy ýákiletti organ baılanys operatorlarynyń jeńildikti tarıfter berý jónindegi mindettemelerin belgileıdi.

«Baılanys operatorlary óz jelilerinde habarlamalardyń keń formatty taralaýyn qamtamasyz etýge mindetti bolady. ıAǵnı, Almaty qalasynda bolǵan sııaqty jaǵdaılarda shuǵyl sms- habarlamalar týraly aıtyp otyrmyz», - dedi depýtat.

Onyń aıtýynsha, operatorlar jedel shtabtardyń qaramaǵyna olardyń suraýy boıynsha (áleýmettik sıpattaǵy, tabıǵı jáne tehnogendik sıpattaǵy tótenshe jaǵdaı týyndaǵan kezde, sondaı-aq tótenshe jaǵdaı engizilgen kezde) mobıldi baılanys stantsııalaryn usynýǵa mindetti bolady. Máselen, dala órtteri aımaqtaryn baılanyspen qamtamasyz etý eskerilgen.

«Ulttyq bank janyndaǵy alaıaqtyq operatsııalardyń aldyn alý jónindegi antıfrod ortalyǵyn qurý jáne onyń jumysy úshin quqyqtyq alań qurylady. Budan bólek, navıgatsııalyq plombalar jáne temirjol kóligi úshin júkterdi qadaǵalaý júıeleri engiziledi», - dedi E. Smyshlıaeva.

Onyń sózine qaraǵanda, pılottyq joba aıasynda taraptardyń kelisimi boıynsha qarapaıym elektrondyq qoltańba jumys isteı bastaıdy. Bul shara pılottyq kezeńde sheteldik kompanııalar men ınvestorlardyń jumysy úshin engiziledi.

Munymen qosa, vırtýaldy baılanys operatorlarynyń ruqsat berý tártibi qarastyrylǵan. 

Búgin qabyldanǵan qujat aıasynda geostatsıonarlyq emes spýtnıktik júıeler arqyly baılanys qyzmetterin usynýdy lıtsenzııalaý is-sharalaryn júzege asyrmaq. 

Aıta keteıik, osy aptada Qazaqstanǵa Starlink júıesiniń alǵashqy partııasy jetkizildi. 

«Barlyǵy 20 kún ishinde 2000 jınaq keledi, olar eldegi 2000 shalǵaıdaǵy aýyl mektebin joǵary jyldamdyqty ınternetpen qamtamasyz etedi»,- dedi QR Tsıfrlyq damý, ınnvoatsııalar jáne aeroǵarysh ónerkásibi mınıstri Baǵdat Mýsın.

Osyǵan deıin Qazaqstannyń 2 myń mektebi Ilon Masktyń Starlink ınternetine qosylatynyn habarlaǵan edik.