Májilis ǵylym jáne tehnologııalyq saıasat jónindegi zańdy qabyldady

<p>ASTANA. KAZINFORM &ndash; Búgin Parlament Májilisiniń jalpy otyrysynda&nbsp; &laquo;Ǵylym jáne tehnologııalyq saıasat týraly&raquo; zańy men ilespe qujattar ekinshi oqylymda qaralyp, qabyldandy.</p>

Atalǵan zań jobalaryn Parlament Májilisi bıylǵy 6 naýryzynda birinshi oqylymda maquldady. Zań ǵylym jáne tehnologııalyq saıasat máseleleri jónindegi memlekettik saıasattyń quqyqtyq, ekonomıkalyq, áleýmettik jáne uıymdastyrýshylyq negizderin jetildirýge baǵyttalǵan.

Atap aıtqanda, zań jobasynda Qazaqstan Respýblıkasynyń Ulttyq ǵylymı júıesin damytý tetikteri kózdeledi, ǵylymı qyzmet sýbektileri, olardyń quqyqtary aıqyndalady, Ulttyq ǵylym akademııasynyń quqyqtyq mártebesi, Ǵylym qorynyń qyzmeti jáne ǵylymı qyzmetti qarjylandyrý tetikteri bekitiledi.

«Zań jobalaryn qaraý barysynda depýtattar tıisti túzetýler engizdi. Birinshiden, zertteý ýnıversıteti mártebesin berý tártibin retteý, zertteý ýnıversıtetiniń janynan ǵylymı ortalyqtar ashý jáne tájirıbelik-konstrýktorlyq jumystardy oryndaý úshin jumsalǵan qarajattyń 100 paıyzyn salyq shegerimine jatqyzý usynyldy. Bul rette bıznes ǵalymdardyń zertteýlerin óndiriske engizip, ǵylymı ortalyqtar men jańa jumys oryndaryn ashýǵa múmkindik bolady», - dedi Májilis depýtaty Tańsaýle Serikov.

Іlespe zań jobasyna jáne Salyq kodeksine QR Úkimetiniń usynysy boıynsha zań jobasy aıasynda birqatar túzetýler qarastyrylǵan:

- platformalyq jumyspen qamtý arqyly qyzmet kórsetetin ózin-ózi jumyspen qamtyǵan adamdardy áleýmettik qamsyzdandyrý júıesine tartý jáne rásimdeý;

- halyqaralyq mamandandyrylǵan kórme aýmaǵyn kórmeden keıingi paıdalanýdy retteýdi uıymdastyrý úshin múlikke jeńildikti salyq stavkasynyń qoldanylý merzimin uzartý;

- paıdaly qazbalardy óndirýge salynatyn salyq stavkalaryn kezeń-kezeńimen arttyrý.