Májilis ǵylym máseleleri boıynsha zańnamalyq aktilerge ózgerister engizetin Zańdy maquldady

<p>ASTANA. KAZINFORM &ndash; Májilis &laquo;Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly&raquo; Zańdy qabyldady.&nbsp;</p>

Ǵylym salasyndaǵy ulttyq zańnamany odan ári jetildirý maqsatynda ázirlengen Zańda jergilikti atqarýshy organdarǵa ǵylym jáne ǵylymı-tehnıkalyq qyzmet salasyndaǵy memlekettik saıasatty iske asyrý quqyǵyn berý kózdelgen. Atap aıtqanda, óńirdiń basym baǵyttary boıynsha ǵylymı jáne ǵylymı-tehnıkalyq jobalar men baǵdarlamalardy uıymdastyrý jáne iske asyrý boıynsha quzyretter engizildi.

Sondaı-aq, qujatta joǵary jáne joǵary oqý ornynan keıingi bilim berý mekemelerinde ǵylymı-pedagogıkalyq qyzmetpen aınalysatyn pedagogterge, sondaı-aq ǵylymı-zertteý jumystaryn júrgizetin ǵylymı qyzmetkerlerge negizgi jalaqyǵa qosymsha aqy belgileý jónindegi normalar kózdeldi.

Zań qoldanystaǵy zańnamaǵa «ǵylymı ádep» uǵymyn engizdi, Sondaı-aq ýákiletti organnyń ǵylymı ádeptiń úlgilik qaǵıdalaryn ázirleý jáne bekitý jónindegi ókilettikterin aıqyndady.

Munan bólek qujatta jer qoınaýyn paıdalanýshylar sýbektileriniń qarajaty esebinen iske asyrylatyn ǵylymı jáne ǵylymı-tehnıkalyq jobalar men baǵdarlamalardy júrgizý tártibi reglamentteldi.

Merzimdi áskerı qyzmet ótkergen azamattarǵa joǵary jáne joǵary oqý ornynan keıingi oqý oryndaryna túsý kezinde jeńildikter berýge, sondaı-aq jataqhanada turǵyn úı alýǵa basym quqyq berý týraly normalar engizilgen.

Depýtattar zańdy qabyldap, Senat qaraýyna jiberdi.