Májilis depýtattaryna qurylys kodeksiniń jobasy usynyldy

<p>ASTANA. KAZINFORM &mdash; Májilistiń Ekonomıkalyq reforma jáne óńirlik damý komıtetinde Qurylys kodeksi jobasy men oǵan sáýlet, qala qurylysy jáne qurylys máseleleri boıynsha ilespe túzetýlerdiń tanystyrylymy ótti. Zań jobalary jóninde Ónerkásip jáne qurylys vıtse-mınıstri Tımýr Qaraǵoıshın baıandama jasady.&nbsp;</p>

Usynylǵan túzetýlerge saı birqatar ózgerister engizilmekshi. 

1.Ónerkásip jáne qurylys vıtse-mınıstri Tımýr Qaraǵoıshın baıandamasynda Shuǵyl áreket jasaý sharasy engiziledi. Bul memlekettik sáýlet-qurylys baqylaý organdaryndaǵy buzýshylyqtarǵa ýaqytyly shara qoldanýǵa múmkindik beredi, olar buzýshylyqtar joıylǵanǵa deıin qurylysty toqtatady;

2. «Josparly ınspektsııalaý» mehanızmin engiziledi. Memlekettik sáýlet-qurylys baqylaý jáne Tótenshe jaǵdaılar organdarynyń obektilerdi paıdalanýǵa qabyldaýǵa qatysýy;

3. Eýropalyq Odaq elderiniń tájirıbesi boıynsha mamandardy sertıfıkattaýdy júrgize otyryp biryńǵaı tsıfrlyq tizilim engizý (biliktilikti rastaý).

4. Barlyq berilgen ruqsatqa revızııa júrgizý;

5. Retteýdiń jańa nysandary engiziledi: qoǵamdyq baqylaý, erekshe retteý, aýmaqtardy keshendi damytý jáne qurylys obektilerin paıdalaný.

6. «Seısmıkalyq aımaqtardaǵy jobalaý jáne qurylys erekshelikteri» jańa taraýy engiziledi.

Qurylys kodeksi men oǵan ilespe túzetýlerdi talqylaý jumys tobynda jalǵasady. Oǵan Ekonomıkalyq reforma jáne óńirlik damý komıtetiniń múshesi Murat Ábenov jetekshilik etedi.