Májilis depýtattary elordadaǵy gaz-jylý stantsııasynyń qurylysymen tanysty
Búginde qýaty saǵatyna 250 gıgakalorıı bolatyn 4 qazandyq salý jumysy júrip jatyr. Bul qadam aldaǵy jylý berý maýsymynda elordanyń Nura aýdanynda ornalasqan turǵyn úılerdi biryńǵaı jylýmen jabdyqtaý júıesine qosýǵa múmkindik beredi. Buǵan deıin bul nysandar jeke qazandyqtardy paıdalanyp kelgen bolatyn.
«AMANAT» partııasynyń saılaýaldy baǵdarlamasy aıasynda jylýmen jabdyqtaý máselelerin sheshý maqsatymen «Turan» GJS qurylysy jalǵastyrylýda. Alǵashqy qazandyq byltyr paıdalanýǵa berildi.
– Jýyrda biz «Jylý energetıkasy týraly» zań qabyldadyq. Bul qujat atalǵan saladaǵy memlekettik qadaǵalaýdy kúsheıtýge múmkindik beredi. Osylaısha, jylý jelilerin baqylaý qyzmeti jergilikti atqarýshy organdardan Energetıka mınıstrliginiń Atom jáne energetıkalyq qadaǵalaý komıtetine berildi. Sondaı-aq jylý energetıkasyn damytýdyń master-jospary engizilýde. Bul qadam saladaǵy jumysty júıelendirýge jáne retke keltirýge múmkindik beredi. Astanada 2 jyl buryn jylý tapshylyǵy bolǵan edi. Alaıda ótken jylytý maýsymynda qala alǵash ret profıtsıtke shyqty. Buǵan «Ońtústik-Shyǵys» gaz jylý stansasy men «Turan» GJS-nyń 1 kezeńi paıdalanýǵa berilýi yqpal etti, – dedi depýtat Dúısenbaı Turǵanov.
Depýtat Pavel Kazantsev jylýmen qamtamasyz etý máselesi sheshilgendikten, «Turan» GJS turǵyn úı qurylysyna serpin beretinin atap ótti. Qorǵaljyn tas joly boıynda qazandyqty paıdalanýǵa berý arqyly jylý tapshylyǵy bar negizgi aýmaqtardy jáne Syǵanaq kóshesiniń ońtústiginde, Turan dańǵylynyń batysynda ornalasqan bolashaǵy bar qurylys aýmaqtardy jylýmen qamtamasyz etýge múmkindik beredi.
Atap aıtqanda, Qazaqstandyq ıpotekalyq kompanııanyń turǵyn úı kesheni salynyp jatqan «Ellıngton» kópbeıindi otbasylyq oıyn-saýyq týrıstik aýmaǵyna jáne Qorǵaljyn tas joly men Seıfýllın kóshesi arasyndaǵy ýchaskege jylý jelilerin jetkizýge bolady. Bul jańa turǵyn úılerdi, onyń ishinde áleýmettik nysandardy, sondaı-aq kommertsııalyq uıymdardyń ǵımarattaryn iske qosýǵa múmkindik beredi.
– 2023 jyldan beri profıtsıt deńgeıine jaqyndap kelemiz. ıAǵnı, jańa úılerdi jylý jelilerine qosýǵa qatysty eshqandaı shekteý joq. Sondaı-aq jylý jelilerine baılanysty aqaý da joq. Jańadan qosylǵan 3 stantsııa qajetti gıdravlıkalyq rejımdi saqtaýǵa múmkindik beredi. Biz Astanany artyq shyǵynsyz jylýmen qamtamasyz ete alamyz, – dedi Astana qalasy energetıka basqarmasy basshysynyń orynbasary Maqsat Esmaǵulov.
Sonymen qatar, depýtattar energetıkterdiń usynystaryn tyńdady. Onyń ishinde elektr energetıkasy týraly zańǵa da qatysty usynystar bar.
Sapar barysynda májilismender óndiristik jáne áleýmettik nysandardy aralap, eńbek ujymdarymen kezdesýler, sondaı-aq azamattardyń jeke máseleleri boıynsha qabyldaýlar ótkizedi. Turǵyndarmen júzdesý barysynda depýtattar saılaýshylardy qabyldanǵan zańnamalyq ózgerister týraly habardar etip, azamattardyń tarapynan kóterilgen asa mańyzdy máselelerdi zerdeleıdi. Ári qaraı depýtattar Úkimetpen birge osy máselelerdi sheshý joldaryn izdeıdi. Depýtattardyń óńirlerdegi sapar qorytyndysy kúzde Parlament Májilisiniń jalpy otyrystarynyń birinde jınaqtalady.