Májilis depýtaty Shymkenttegi áleýmettik-mádenı nysandardy aralady

<p>ASTANA. KAZINFORM &mdash; Májilis depýtaty Qazybek Isanyń Ońtústik óńirine is-sapary jalǵasyp jatyr.&nbsp;Ol Shymkenttegi mádenı, áleýmettik nysandardy aralap, turǵyndarmen júzdesti.&nbsp;</p>

Aldymen Qazybek Isa Shymkent qalasyndaǵy kitaphanaǵa baryp, eńbek ujymymen kezdesti. Kitaphana qyzmetkerleri májilismenge suraqtaryn qoıyp, tıisti jaýaptaryn aldy. Kitaphanashylardyń jalaqysyn kóterý, eńbek demalystaryn 45 kúnge deıin uzartý syndy tilekterin jetkizdi. Májilis depýtaty bul máseleler boıynsha jazbasha túrde ótinish jazý kerektigin aıtyp, óz tarapynan tıisti memlekettik organdarǵa depýtattyq saýal joldaıtynyn jetkizdi.

Foto: QR Parlamenti májilisiniń baspasóz qyzmeti

Májilis depýtaty «Asar» shaǵyn aýdanynda ornalasqan №90 daryndy balalarǵa arnalǵan mamandyrylǵan mektep-gımnazııasynyń ustazdarymen jáne osy bilim oshaǵynda ashylǵan «KADET» synyby shákirtterimen kezdesti. Joba boıynsha oqýshylarǵa quqyqtyq bilim men áskerı-patrıottyq tárbıe beriledi. Kadet synybynyń oqýshylary sabaqtan tys ýaqytta sapta júrý, alǵashqy medıtsınalyq kómek kórsetý, avtomatty buzyp-jınaýdy úırenip, sporttyq jattyǵýlarmen aınalysady.

Foto: QR Parlamenti májilisiniń baspasóz qyzmeti

– Elimizde alǵash bolyp «Kadet» synyby ashylypty. Óte quptarlyq bastama. Ózim usynys jasap, osy mektepke arnaıy kelip otyrmyn. Turǵyndarmen kezdesýde aıtylǵan máseleniń bári ulttyq ıdeologııaǵa qatysty. Mádenıet salasy ókilderiniń jalaqysy, zeınetaqy, jer máseleleri kóterilip jatyr. Jalpy Shymkentte kóptegen oń ózgerister bar, – dedi Qazybek Isa.

Budan soń depýtat Shymkent qalasy Kókbulaq eldimekeninde ornalasqan mádenıet úıiniń qurylys barysymen tanysty. Merdiger kompanııa basshylyǵy qurylys jumystary bıyl tamyz aıynda aıaqtalatynyn aıtyp, ýáde berdi.

Foto: QR Parlamenti májilisiniń baspasóz qyzmeti

Sondaı-aq májilismen Igilik eldimekeninde ornalasqan mádenıet úıinde jergilikti turǵyndarmen kezdesti. Qazybek Isa Májilis minberinde kóterilip júrgen máselelerge keńinen toqtaldy. Turǵyndar № 82 mekteptiń ǵımaraty eski ári osy kúnge deıin balalar 3 aýysymda oqıtyny jóninde másele kóterdi. Budan bólek Qyzyljar eldimekeninde kóshelerge asfalt tóseý, jaıaý júrginshilerge trotýar salý, qanǵybas ıtter, Badam ózeninen sý shyǵarý, kópqabatty úılerdiń qasbetin jóndeý jaılary da sóz boldy. Qazybek Isa bul máselelerdi sheshý boıynsha turǵyndarǵa túsindirý jumystaryn júrgizip, baqylaýǵa alatynyn aıtty.