Májilis depýtaty saqtandyrý polısterin «kepilzat» retinde qoldanýdy usyndy

<p>Májilis deptýtaty Aıdarbek Hodjanazarov ekinshi deńgeıli bankterge óz qalaýy boıynsha astyq qolhattaryn turlaýly kepil retinde qabyldaýǵa múmkindik berýdi usyndy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Aýyl sharýashylyǵy taýaryn óndirýshilerdiń qarjylandyrý alýdaǵy taǵy bir problema – kepilzat múliginiń tapshylyǵy. Álemde fermerdiń negizgi aktıvi de, kepilzaty da – jer. Qazaqstanda ázirge jer naryǵy damymyǵan», - dedi ol Májiliste ótken dóńgelek ústel barysynda.

Osy oraıda Májilis depýtaty kepilzat tapshylyǵy problemasyn sheshý úshin birqatar usynys jasady. Aldymen kvazımemlekettik sektor sýbektilerinen kepildik berý quralyn keńeıtý qajettigin aıtty. Bul shara bankterge az kepildikpen nesıe berýge múmkindik jasaıdy. Sonymen qatar sala ashyqtyǵyn arttyrýǵa nazar aýdartty.

«Bul shara kredıtorlardyń fermerlerge degen senimin arttyrýǵa múmkindik beredi. Ol úshin biz AÓK-te mamandandyrylǵan kredıttik reıtıng qurý bastamasyn kóterdik. Sonymen qatar saqtandyrý polısterin «kepilzat» retinde qoldaný tájirıbesin engizýdi, ekinshi deńgeıli bankterge óz qalaýy boıynsha astyq qolhattaryn turlaýly kepil retinde qabyldaýǵa jáne olarda azyq-túlik qalyptastyrmaýǵa zańdy múmkindik berýdi usynamyn», - dedi Aıdarbek Hodjanazarov.