Májilis depýtaty halyqqa qyzmet kórsetý ortalyqtarynyń jumysymen tanysty
Depýtat halyqqa qyzmet kórsetý ortalyǵynda qujattardy berý sektorlaryn, operatsııalyq jáne halyqty qujattandyrý kabınetin kórdi. Sondaı-aq turǵyndardy qujattandyrý, onyń ishinde saýsaq izderin alý tártibimen tanysty. Osy maqsatta Qostanaıdaǵy halyqqa qyzmet kórsetý ortalyǵynda sheteldik azamattardyń saýsaq izderin alýǵa arnalǵan qurylǵy bar. Qazaqstandyqtar úshin bul rásim erikti. Buǵan qatysty túzetýlerge depýtattar bastamashy bolyp, Memlekettik korporatsııa máseleleri boıynsha zańnamalyq aktilerge engizdi.
Ortalyq qyzmetkerlerimen kezdesýde Ekaterına Smyshlıaeva quqyq qorǵaý máseleleri men salalyq máselelerdi talqylady. Sońǵy eki jylda respýblıka boıynsha halyqqa qyzmet kórsetý ortalyqtary qyzmetkerleriniń jalaqysynyń deńgeıi 100 paıyzǵa óskeni aıtyldy. Kadrlardyń ketýi aıtarlyqtaı azaıǵan. Sonymen qatar ortalyqtarǵa degen suranys áli de joǵary, biraq onlaınǵa kóshý úrdisi de qarqyn alýda.
Mamandandyrylǵan halyqqa qyzmet kórsetý ortalyǵynda depýtat daıyn qujattardy berý sektory, operatsııalyq zal, teorııalyq kabınetpen jáne avtodrom jumysymen tanysty.
– Sybaılas jemqorlyqpen kúresýge baǵyttalǵan júrgizýshi kýáligi emtıhandaryn tapsyrý rásimin ortalyqtandyrý máseleniń ekijaqty ekenin kórsetti. Kezek kútý, emtıhan tapsyrý úshin aýmaqtyq bólimshelerdiń, testileý alańdarynyń joqtyǵy, jabdyqtyń durys jumys istemeýi jáne basqalar. Sonymen qatar avtomobıl ónerkásibiniń órkendeý dáýirinde teorııalyq jáne praktıkalyq emtıhandardy tapsyrý úshin júzdegen shaqyrym jol júrýge májbúr kólik ıeleriniń sany da artyp keledi, – dedi E.Smyshlıaeva.
Avtoservıs ortalyqtarynyń balansynda turǵan avtodromdardy ustaý máselesi de kóterildi. Bul turǵyda olar qarjylyq jáne uıymdastyrýshylyq qıyndyqtarǵa tap bolýy yqtımal. Avtomektepter men tehnıkalyq qyzmet kórsetý stantsııalaryn lıtsenzııalaý máseleleri de sóz boldy. Ekaterına Smyshlıaeva osy túıtkilderdi retteıtin zań Senatta qaralyp jatqanyn atap ótti. Túzetýler qabyldanǵan soń tekserý beketteriniń jumysyna ruqsat berý tártibi jáne tıisinshe ruqsat beretin baqylaý paıda bolady.