Májilis daktıloskopııalyq tirkeýge qatysty qujatqa Senat engizgen túzetýlerimen kelisti

<p>Májilistiń jalpy otyrysynda palata depýtattary &laquo;Qazaqstan Respýblıkasynyń keıbir zańnamalyq aktilerine ulttyq qaýipsizdikti qamtamasyz etý jáne arnaýly memlekettik organdaryndaǵy qyzmet máseleleri boıynsha ózgerister men tolyqtyrýlar engizý týraly&raquo; Zańyna qatysty Senat jańa redaktsııada usynǵan jekelegen baptarmen kelisti, dep habarlaıdy Kazinform.</p>

«Májilistiń Halyqaralyq ister, qorǵanys jáne qaýipsizdik komıteti Senattyń atalǵan Zańǵa engizgin tolyqtyrýlarmen kelisýdi usynady», - dedi depýtat Konstantın Avershın.

Palata depýtattary atalǵan usynysqa qoldaý jasady.

Eske salsaq, jaqynda Senat zańnamaǵa qaýipsizdik jáne arnaýly memlekettik organdardaǵy qyzmet týraly ózgeris engizetin zańdy qarap, Májiliske keri qaıtardy.

Zańǵa ekinshi oqylymda qorytyndy jasaǵan Senattyń halyqaralyq qatynastar, qorǵanys jáne qaýipsizdik komıtetiniń múshesi Ǵalıasqar Sarybaev Májilis qabyldaǵan zańǵa birneshe baǵyt boıynsha ózgertýler men tolyqtyrýlar engizý qajet ekenin aıtty.

Olar:

— adam quqyǵy men bostandyǵyn shekteýge qatysty normalardy Konstıtýtsııalyq Sottyń normatıvtik qaýlysyna sáıkestendirý;
— aldyn ala tergeý úlgisinde aıaqtalǵan ózge de qylmystyq quqyq buzýshylyqtar týraly isterge qatysty sotqa deıingi tergep-tekserý organdary arasynda ókilettikterdiń arajigin ajyratý, olardyń jaýapkershilik aımaqtaryn aıqyndaý, úsh býyndy modeldi endirýdi kózdeıtin normalardy qoldanysqa engizý merzimin aýystyrý;
— memlekettik qupııalardan turatyn málimetterdi berý tártibin aıqyndaý quzyretin belgileýdegi qaıtalanatyn normalardy alyp tastaý;
— Qazaqstan Respýblıkasynyń azamattaryna qatysty erikti daktıloskopııalyq tirkeýdi engizý bóliginde normalardy naqtylaý;
— Zańnyń keıbir erejelerin qoldanystaǵy zańnamanyń erejelerine sáıkes keltirý.