Májilistiń taratylýy: Parlament fýnktsııalaryn Senat qalaı atqardy

ASTANA. QazAqparat – Senat tóraǵasy Máýlen Áshimbaev qańtar aıynan beri zań qabyldaý qyzmetin atqaryp kelgen palata jumysyn qorytyndylady, dep habarlaıdy QazAqparat tilshisi.

«Memleket basshysynyń 2023 jylǵy 19 qańtardaǵy Jarlyǵymen jetinshi saılanǵan QR Parlamentiniń Májilisi taratyldy. Konstıtýtsııaǵa sáıkes, Májilis ýaqytsha bolmaǵan kezeńde Parlamenttiń konstıtýtsııalyq zańdar men zańdar qabyldaý jónindegi fýnktsııalary Senatqa júkteldi. Soǵan baılanysty osy eki aıda Senat 36 zań qabyldady. Olardyń toǵyzy Parlament depýtattarynyń bastamashy bolýymen ázirlendi. Jalpy, osy aralyqta qabyldanǵan zańdar Prezıdenttiń tapsyrmalaryn oryndaýǵa jáne asa mańyzdy máselelerdi sheshýge arnalǵan. Bul zańdar halyqtyń ál-aýqatyn jaqsartýǵa, elimizdiń qarjylyq jáne áleýmettik turaqtylyǵyn qamtamasyz etýge, sondaı-aq memlekettik quqyqtyq saıasatty jetildirýge septigin tıgizedi dep senemiz», – dedi Máýlen Áshimbaev Senattyń jalpy otyrysynda.

Palata tóraǵasy keıingi eki aıda Senat Parlamenttiń konstıtýtsııalyq zańdar men zańdar qabyldaý jónindegi fýnktsııalaryn oryndaǵanyn aıtyp, osy jumysty qorytyndylady. Osy oraıda ol nátıjeli jumys atqarǵan senatorlarǵa alǵys aıtty.

Eske salsaq, Memleket basshysy jetinshi saılanǵan QR Parlamentiniń Májilisin taratý jáne QR Parlamenti Májilisi depýtattaryn kezekten tys saılaý týraly Jarlyqqa qol qoıdy.

Májilis depýtattaryn kezekten tys saılaý 2023 jylǵy 19 naýryzǵa belgilendi.

Osy oraıda bıyl qańtar aıynda jetinshi saılanǵan QR Parlamenti Májilisiniń taratylýyna qatysty Parlament fýntsııalaryn Senat atqaryp keldi.